ନୂଆଦିଲ୍ଲୀ: ସବୁ ପ୍ରତୀକ୍ଷାର ଅନ୍ତ ଘଟି ରିଲିଜ ହୋଇଛି ବହୁ ପ୍ରତୀକ୍ଷିତ ‘କାନ୍ତାରା ଚାପ୍ଟର ୱାନ୍’ ଫିଲ୍ମର ଟ୍ରେଲର । ରୋମାଞ୍ଚ ପୂର୍ଣ୍ଣ ଏହି ଟ୍ରେଲରକୁ ଦର୍ଶକମାନେ ଖୁବ ପସନ୍ଦ କରିଛନ୍ତି । ଯେଉଁଠାରେ କାନ୍ତାରା ସରିଥିଲା, ସେଠାରୁ ହିଁ କାନ୍ତାରା ଚାପ୍ଟର ୱାନ୍ ଟ୍ରେଲର ଆରମ୍ଭ ହୋଇଛି । ୨୦୨୨ରେ ବ୍ଲକବଷ୍ଟର ହିଟ୍ ସାବ୍ୟସ୍ତ ହୋଇଥିବା କାନ୍ତାରାର ଏହା ସିକ୍ୱେଲ । ଚାପ୍ଟର ୱାନ୍ର ଟ୍ରେଲରକୁ ଦେଖି ଫିଲ୍କର କାହାଣୀକୁ ସସପେନ୍ସ ରଖିବା ସହ ଦର୍ଶକଙ୍କୁ ଖୁବ ମନୋରଞ୍ଜନର ଖୁରାକ ଯୋଗାଇ ଦିଆଯାଇଛି । ଟ୍ରେଲର ରିଲିଜ ହେବାର ମାତ୍ର ୨୧ଘଣ୍ଟାରେ କୋଟି କୋଟି ଦର୍ଶକ ଏହାକୁ ଦେଖିସାରିଲେଣି । ଯେଉଁଥିରୁ ଜଣାପଡିଛି ଯେ ଦର୍ଶକଙ୍କ ମଧ୍ୟରେ ଫିଲ୍ମକୁ ନେଇ କେତେ ମାତ୍ରାରେ କ୍ରେଜ୍ ରହିଛି ।
ସିନେମାରେ ଅଭିନୟ କରିବା ସହ ଏହାର ନିର୍ଦ୍ଦେଶନା ଦେଇଛନ୍ତି ଜାତୀୟ ଚଳଚ୍ଚିତ୍ର ପୁରସ୍କାର ବିଜେତା ଋଷଭ ସେଟ୍ଟୀ । ଋଷଭଙ୍କ ଦମଦାର ଅଭିନୟ ପୁଣି ଥରେ ଦର୍ଶକଙ୍କୁ ଆକର୍ଷଣ କରିଛି । ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି ବିଜୟ କିରାଗନ୍ଦୁର । ଅକ୍ଟୋବର ୨ରେ ଏକା ସାଙ୍ଗରେ କନ୍ନଡ, ହିନ୍ଦୀ, ତେଲେଗୁ, ମାଲାୟଲମ, ତାମିଲ, ବଙ୍ଗଳା ଓ ଇଂରାଜୀ ଭାଷାରେ ରିଲିଜ ହେବ ।
