କଣ୍ଟାବାଞ୍ଜି : ତୁରେକେଲା ପୁଲିସ ରବିବାର ସନ୍ଧ୍ୟାରେ ଲାଠୋର ରାସ୍ତା ଲାଂଥ ନଦୀ ପୋଲ ନିକଟରେ ନାକାବନ୍ଦୀ କରି ଯାଞ୍ଚ କରୁଥିଲା । ଏହି ସମୟରେ ଲାଠୋର ପଟୁ ତୁରେକେଲା ଆଡକୁ ଆସୁଥିବା ମାରୁତି ସୁଜୁକି ଏବଂ କାର ଆଗରେ ଆପଚି ବାଇକ ଅଟକାଇ ଯାଞ୍ଚ ସମୟରେ ସେଥିରୁ ବିପୁଳ ପରିମାଣରେ ନିଶା ବଟିକା, କଫ ସିରଫ ମିଳିଥିଲା । କାର ଓ ବାଇକ ଜବତ ସହ ୨ ଜଣଙ୍କୁ ଅଟକ ରଖି ତଦନ୍ତ ପରେ ସେମାନେ ପାଟଣାଗଡ ଅଞ୍ଚଳର କ୍ଷମାନିଧି ମେହେର ଏବଂ ତୁରେକେଲା ଥାନା ଅନ୍ତର୍ଗତ ମଳିକ ଦୋର ଗାଁର ବନମାଳୀ ଖରସେଲ ବୋଲି ଜଣାପଡିଛି । ସେମାନଙ୍କ ଠାରୁ ୬୬୦୦ ନିଶା ବଟିକା ଓ ୫୫ ବୋତଲ କୋଡିନ ମିଶା କଫ ସିରଫ ସହ ୨ଟି ମୋବାଇଲ ଏବଂ ତାଙ୍କ ପାଖରେ ଥିବା ୨୬୦୦ ଟଙ୍କା ଜବତ ହୋଇଛି । ଉଭୟଙ୍କୁ ଆଜି ସନ୍ଧ୍ୟାରେ କଣ୍ଟାବାଞ୍ଜି ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ କୋର୍ଟକୁ ଚାଲାଣ କରିଥିବା କଣ୍ଟାବାଞ୍ଜି ପୁଲିସ ଏସଡ଼ିପିଓ ଗୌରାଙ୍ଗ ଚରଣ ସାହୁ ସୂଚନା ଦେଇଛନ୍ତି ।
