କଣ୍ଟାବାଞ୍ଜି: ବଲାଙ୍ଗୀର ଜିଲ୍ଲା ୪୨ନଂ ରାଜ୍ୟ ରାଜପଥ ନୁନହାଡ଼ ଗାଁ ନିକଟ ବସଷ୍ଟାଣ୍ଡ ନିକଟରେ ଦୁର୍ଘଟଣା ହୋଇଛି । ବୁଧବାର ପ୍ରାୟ ୧୧ଟା ସମୟ ରେ ବାଇକରେ ଢାବାକୁ ଖାଇବାକୁ ଯାଉଥିବା ସମୟରେ ରାସ୍ତାରେ ଥିବା ବଳଦ ସହ ମୁହାଁମୁହିଁ ଧକ୍କା ହେବା ଫଳରେ ବାଇକ ଚାଳକଙ୍କ ମୃତ୍ୟୁ ହୋଇଛି । ସୂଚନା ଅନୁଯାୟୀ, କଣ୍ଟାବାଞ୍ଜି ରୋଡ ନଂ ୩ର ଜୈନିକ ବ୍ୟବସାୟୀ ସୌରଭ ଖଣ୍ଡେଲୱାଲ (୪୦) ଚିଟିକି ପଡି ମୁଣ୍ଡରେ ଶକ୍ତ ଆଘାତ ହେବାରୁ ଘଟଣାସ୍ଥଳରେ ମୃତ୍ୟୁ ହୋଇଥିବା ଜଣାପଡ଼ିଛି । ବଳଦଟିର ମଧ୍ୟ୍ୟ ମୃତ୍ୟୁ ହୋଇଛି । ଘଟଣାସ୍ଥଳରୁ ସୌରଭଙ୍କୁ ଉଦ୍ଧାର କରାଯିବା ପରେ କଣ୍ଟାବାଞ୍ଜି ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ । ଆଜି ମୃତକର ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ବେଲପଡା ଥାନାରେ ଏକ ଦୁର୍ଘଟଣା ମାମଲା ରୁଜୁ କରି ପୁଲିସ ତଦନ୍ତ ଚଳାଇଛି ।
