ଏହି ଦିନ ରିଲିଜ୍ ହେବ ‘କଙ୍ଗୁଭା’; ପ୍ରେକ୍ଷାଳୟରେ ମୁହାଁମୁହିଁ ହେବେ ବବି ଦେଓଲ – ସୂର୍ଯ୍ୟା ସିଙ୍ଘମ୍..
ମୁମ୍ବଇ : ବର୍ତ୍ତମାନ ସମୟରେ ସାଉଥ୍ ଚଳଚ୍ଚିତ୍ର ପାଇଁ ପ୍ରଶଂସକ ଖୁବ୍ ଉତ୍କଣ୍ଠା ଦେଖାଯାଉଛି। ବଡ ବଜେଟ୍ ଠାରୁୁ ଆରମ୍ଭ କରି ଅଭିନେତା, ଅଭିନେତ୍ରୀ, ସେଟ୍ ପର୍ଯ୍ୟନ୍ତ ଅଧିକାଂଶ ସାଉଥ୍ ଚଳଚ୍ଚିତ୍ରରେ ଦେଖିବାକୁ ମିଳିଥାଏ। ଏଭଳି ହିଁ ଏକ ଫିଲ୍ମ ଆଉ ଅଳ୍ପ ଦିନରେ ଆସିବାକୁ ଯାଉଛି। ଚଳଚ୍ଚିତ୍ର ହେଉଛି ‘କଙ୍ଗୁଭା’। ଏଥିରେ ‘ଆନିମଲ୍’ ଚଳଚ୍ଚିତ୍ରରେ ନିଜ ଅଭିନୟର ଯାଦୁ ଦେଖାଇ ପ୍ରଶଂସକଙ୍କ ମନକୁ କିଣିଥିବା ଅଭିନେତା ବବି ଦେଓଲ ସୂର୍ଯ୍ୟା ସିଂଘମ୍ ଙ୍କ ସହ ଲଢେଇ ଦେଖିବାକୁ ମିଳିବ। ପୂର୍ବରୁ ଫିଲ୍ମର ଅନେକ ଝଲକ୍ ଦର୍ଶକଙ୍କ ପାଇଁ ଆସିଥିବା ବେଳେ ଏବେ ସାମ୍ନାକୁ ଆସିଛି ରିଲିଜ୍ ତାରିଖ। ‘କଙ୍ଗୁଭା’ ରିଲିଜ୍ ତାରିଖକୁ ଅଭିନେତା ସୂର୍ଯ୍ୟା ଘୋଷଣା କରିବା ସହ ସେ ସୋସିଆଲ ମିଡିଆରେ ଲେଖିଛନ୍ତି, “ମୋର ପ୍ରିୟଜନ, କଙ୍ଗୁଭା ୧୦ ଅକ୍ଟୋବର ୨୦୨୪ରେ ଆସୁଛି।
ରିଲିଜ୍ ତାରିଖ ସାମ୍ନାକୁ ଆସିବା ପରେ ପ୍ରଶଂସକ ମାନେ କମେଣ୍ଟ ଦେବା ଆରମ୍ଭ କରିଛନ୍ତି। ଏହିପରି, ସୂର୍ୟ୍ୟ ଏବଂ ଏହି ଚଳଚ୍ଚିତ୍ରକୁ ଉତ୍ସାହର ସହିତ ଅପେକ୍ଷା କରିଥିବା ପ୍ରଶଂସକଙ୍କ ଅପେକ୍ଷା ବର୍ତ୍ତମାନ ଶେଷ ହେବ।
ଷ୍ଟୁଡିଓ ଗ୍ରୀନ୍ ଏବଂ ସୂର୍ଯ୍ୟା ଶିବକୁମାରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର କାଙ୍ଗୁଭାରେ ସୂର୍ଯ୍ୟାଙ୍କୁ ଜଣେ ଶକ୍ତିଶାଳୀ ଯୋଦ୍ଧା ଏବଂ ବବି ଦେଓଲ ଜଣେ ଭିଲେନ୍ ଭାବରେ ନଜର ଆସିବେ। ଏହାର ବଜେଟ୍ ୩୫୦ କୋଟିରୁ ଅଧିକ ଅଟେ। କଙ୍ଗୁଭା ଦୁଇଟି ଭିନ୍ନ ସମୟର କାହାଣୀ ଉପସ୍ଥାପନ କରିବ। ଗୋଟିଏ ପୂର୍ବ- ଐତିହାସିକ ଯୁଗ ଏବଂ ଆଜିର ଦିନ। ନିର୍ମାତାମାନେ ନିଶ୍ଚିତ କରିଛନ୍ତି ଯେ ସେମାନେ ଉଭୟ ସମୟସୀମାକୁ ଦର୍ଶକଙ୍କ ନିକଟରେ ଏକ ଉତ୍ତମ ଉପାୟରେ ଉପସ୍ଥାପନ କରିବେ। ଏହି ଚଳଚ୍ଚିତ୍ରରେ ଭେଟ୍ରି ପାଲାନିସାମିଙ୍କ ସିନେମାଟୋଗ୍ରାଫି ଏବଂ ରକଷ୍ଟାର ଦେବୀ ଶ୍ରୀ ପ୍ରସାଦଙ୍କ ସଙ୍ଗୀତ ରହିଛି।
Comments are closed.