କନ୍ଧମାଳ : କନ୍ଧମାଳ ଜିଲା କୋଟଗଡ ଏକ ପାହାଡିଆ ଅଞ୍ଚଳ ଭାବେ ଜଣାଶୁଣା। ଏଠି ବହୁ ଅଞ୍ଚଳରେ ନା ଅଛି ଗମନା ଗମନର ସୁବିଧା ନା ଅଛି ସ୍ୱାସ୍ଥ୍ୟ ସେବା ସୁବିଧା। ଯନନୀ ଯନ୍ତ୍ରଣା ଓ ରୋଗୀଙ୍କୁ ଦୋଳାରେ ବୋହି ଡାକ୍ତରଖାନାକୁ ନେବା ପରି ବହୁ ଘଟଣା ଆଗରୁ ଏଠାରେ ଦେଖାଯାଇଛି। କିନ୍ତୁ ଏଭଳି ଏକ ଘଟଣା ଆପଣ ଯାଣିଲେ ହତବାକ୍ ହେଇଯିବେ। ଗତକାଲି ରୀନା ପାଲଟାସିଂ ନାମକ ମହିଳା ସ୍ୱାସ୍ଥ୍ୟକର୍ମୀ ନିଜର ଦାୟିତ୍ୱ ବହନ କରିବା ପାଇଁ ରଢା ସବ୍ ସେଣ୍ଟରର ବାନ୍ଦାଗୁଡାକୁ ଯିବାପାଇଁ କୌଣସି ରାସ୍ତା ନ ଥିବାରୁ ବାନ୍ଦାଗୁଡା ପୂର୍ବରୁ ପଡୁଥିବା ନାଳରେ ବର୍ଷା ଦିନେ ଯିବାକୁ ରାସ୍ତା ନ ଥିବାରୁ ଟିକାକରଣ ପାଇଁ ବିପଦପୂର୍ଣ୍ଣ ଭାବେ ଏକ ଗଛ ଉପରେ ଚାଲି ଚାଲି ଯାଇଥିଲେ। ଏନେଇ ରୀନା କହିଛନ୍ତି, ଏହିଭଳି ରାସ୍ତା ନ ଥିବା କାରଣରୁ ଗାଁ ଲୋକେ ମଧ୍ୟ ଗାଡିମଟର ନାଳ ଏପଟେ ରଖି ଗଛ ମାଧ୍ୟମରେ ଯିବା ଆସିବା କରିଥାନ୍ତି। ଏ ନେଇ ଜିଲା ପ୍ରଶାସନ ଦୃଷ୍ଟି ଦେଇ ତୁରନ୍ତ ଏକ ପୋଲ ଓ ରାସ୍ତା ନିର୍ମାଣ କଲେ ଲୋକେ ସୁବିଧାରେ ସ୍ୱାସ୍ଥ୍ୟ ସୁବିଧା ପାଇପାରିବେ।
Comments are closed.