କାମାକ୍ଷାନଗର: କାମାକ୍ଷାନଗର ଥାନା ଅନ୍ତର୍ଗତ ଜିରାଳ ଗ୍ରାମ ସନିକଟ ତାରିଣୀ ମନ୍ଦିର ପାଖରେ ଏକ ଦ୍ରୁତ ଗାମୀ କାର ଧକ୍କାରେ ବାଇକ ଆରୋହୀଙ୍କର ଶୋଚନୀୟ ମୃତ୍ୟୁ ହୋଇଛି। ଏହି ଦୁର୍ଘଟଣାରେ ଆଉ ଜଣେ ଗୁରୁତର ଭାବେ ଆହତ ହୋଇ କଟକ ସ୍ଥାନାନ୍ତର ହୋଇଥିବାର ଜଣାଯାଇଛି। ମୃତକ ଜଣକ ହେଲେ ଗୁନେଇବିଲ ପଞ୍ଚାୟତର ଡ଼ିମିରିଆ ଗ୍ରାମର ବିଦ୍ୟାଧର ରାଉତ ବୋଲି ଜଣାପଡ଼ିଛି। ବିଦ୍ୟାଧର ଭଉଣୀ ରୁମିଲାଙ୍କୁ ଏକ ବାଇକରେ ବସାଇ ଜିରାଳରୁ ଘରକୁ ଫେରୁଥିଲେ। ଫେରିବା ସମୟରେ ତାରିଣୀ ମନ୍ଦିର ପାଖରେ ବିପରିତ ଦିଗରୁ ଦ୍ରୁତ ଗତିରେ ଆସୁଥିବାଏକ କାର ଧକ୍କା ଦେଇଥିଲା l ଫଳରେ ଘଟଣାସ୍ଥଳରେ ବାଇକ ଆରୋହୀ ବିଦ୍ୟାଧରଙ୍କର ଶୋଚନୀୟ ମୃତ୍ୟୁ ହୋଇଥିବା ବେଳେ ଗୁରୁତର ରୁମିଲାଙ୍କୁ କଟକ ସ୍ଥାନାନ୍ତର କରାଯାଇଛି। ସ୍ଥାନୀୟ ଲୋକଙ୍କଠାରୁ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଜବତ ପରେ ବ୍ୟବଛେଦ ପଠାଇଥିବା ଜଣାଯାଇଛି l
Comments are closed.