ମାଗଣା ସ୍ୱାସ୍ଥ୍ୟ ସେବା ଓ ପ୍ରାଥମିକ ଚିକିତ୍ସା ତାଲିମ ଶିବିର

କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତର ଜଗନ୍ନାଥପୁର ସରକାରୀ ଉଚ୍ଚ ବିଦ୍ୟାଳୟ ଠାରେ ମାଗଣା ସ୍ୱାସ୍ଥ୍ୟ ସେବା ଓ ପ୍ରାଥମିକ ଚିକିତ୍ସା ତାଲିମ ଶିବିର ଆୟୋଜନ କରାଯାଇଛି। ଏଥିରେ ବିଦ୍ୟାଳୟର ପ୍ରଧାନଶିକ୍ଷକ କୋମୀଓ ପ୍ରସାଦ ମୁଟୁକା ସ୍ୱାସ୍ଥ୍ୟ ସେବା ଓ ପ୍ରାଥମିକ ଚିକିତ୍ସା ତାଲିମ ଶିବିରକୁ ଉଦଘାଟନ କରିଛନ୍ତି। ଜଗନ୍ନାଥପୁର ବିଦ୍ୟାଳୟ ଓ କଲ୍ୟାଣସିଂହପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ମିଳିତ ସହଯୋଗରେ ଛାତ୍ରଛାତ୍ରୀ ଜନସାଧାରଣ ମୋଟ ୩୦୪ ଜଣଙ୍କୁ ସ୍ୱାସ୍ଥ୍ୟ ପରୀକ୍ଷା କରିବା ସହ ମାଗଣା ଔଷଧ ବଣ୍ଟନ କରାଯାଇଛି। ଏହା ସକାଳ ୮ଘଣ୍ଟାରୁ ଦିନ୧୧ଟା ପର୍ଯ୍ୟନ୍ତ କରାଯାଇଛି। ଏହା ପରେ ଏକ ବୈଠକ ଅନୁଷ୍ଠିତ ହୋଇଥିଲା। ସେଥିରେ ମୁଖ୍ୟ ଅତିଥି ଡକ୍ଟର ପ୍ରମୋଦ କୁମାର ମିଶ୍ର ଛାତ୍ରଛାତ୍ରୀଙ୍କୁ ଚିକିତ୍ସା କରିବା ସହ ଜନସାଧାରଣ ଓ ଛାତ୍ରଛାତ୍ରୀଙ୍କ ଉତ୍ତମ ସ୍ୱାସ୍ଥ୍ୟ ସମ୍ପର୍କରେ ପରାମର୍ଶ ଦେଇଥିଲେ। ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ନେଇ ପ୍ରାଥମିକ ଚିକିତ୍ସା ତାଲିମ ଶିବିରରେ ଜିଲା ଜୁନିୟର ରେଡ଼କ୍ରସ ସୋସାଇଟିର ଆର. ପି ତାପସ କୁମାର ଦଳେଇ , ଅଞ୍ଜନା ସାହୁ ଓ ବିଦ୍ୟାଳୟର ଜୁନିୟର ରେଡ଼କ୍ରସ କ୍ଳବର କାଉସିଲର ଉମେଶ ଚନ୍ଦ୍ର ଦାସ ତାଲିମ ପ୍ରଦାନ କରିଥିଲେ। ଅନ୍ୟ ମାନଙ୍କ ମଧ୍ୟରେ ଫାର୍ମାସିଷ୍ଟ ସଂଜୀବ ଆନ୍ଦ୍ରରୁ ,ମହିଳା ସ୍ୱାସ୍ଥ୍ୟ କର୍ମୀ ବନପ୍ରିୟା ପ୍ରଧାନ ସମେତ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଉପସ୍ଥିତ ରହି ସହଯୋଗ କରିଥିଲେ ।

ଉଦୟ ହେଲେ ଶନି : ଜାଣନ୍ତୁ କେଉଁ ରାଶି ଉପରେ ପଡିବ କି ପ୍ରଭାବ, କାହାକୁ ମିଳିବ ଧନ, କାହାକୁ ମିଶ୍ରିତ ଫଳ