କଲ୍ୟାଣସିଂହପୁର : ରାୟଗଡା ଜିଲା କଲ୍ୟାଣସିଂହପୁର ବ୍ଲକରେ ଅବକାରୀ ବିଭାଗ ତିନୋଟି ଗାଁରେ ଚଢଉ କରି ୧୦୫ ଲିଟର ଦେଶୀମଦ ଓ ଦୁଇ ମହିଳାଙ୍କୁ ଗିରଫ କରିଥିବା ସୂଚନା ମିଳିଛି । ଅବକାରୀ ବିଭାଗର ଅଧିକ୍ଷକ (ସୁପରଟେଣ୍ଡ) ଅଭିରାମ ବେହେରାଙ୍କ ନିର୍ଦେଶ କ୍ରମେ ରାୟଗଡା ମୋବାଇଲ ସ୍କ୍ୱାର୍ଡ ଓ କଲ୍ୟାଣସିଂହପୁରରେ ଥିବା ଅବକାରୀ ବିଭାଗ ମିଳିତରେ ବୁଡ଼ାଗୁଡା ପଞ୍ଚାୟତର କଦଳିଚୁଁଆ, ଚାମରଯୋଡି, ଡ଼ମଲିମା ଗାଁରେ ଚଢ଼ାଉ କରି ୬୫୦ ଲିଟର ମହୁଲ ପଚ ନଷ୍ଟ କରିବା ସହ ୧୦୫ଲିଟର ଦେଶୀ ମଦ, ୮୦ ଲିଟର ସଲପ ତାଡି ଜବତ କରି ଦୁଇ ଜଣ ମହିଳାକୁ ଗିରଫ କରାଯାଇଥିବା ଅବକାରୀ ବିଭାଗର ମୋବାଇଲସ୍କ୍ୱାର୍ଡର କିଶୋର ରଥ ସୂଚନା ଦେଇଛନ୍ତି । ୩ଟି ଅବକାରୀ ମକଦମାରେ ଦୁଇ ଜଣ ମଦ ମାଫିଆ ମହିଳା ଡମଲିମା ଗାଁର ହାରାବତୀ ବେନିଆ ,କଦଳିଚୁଆ ଗାଁର ସମ୍ଭାରୀ କନ୍ଧପାଣିଙ୍କୁ ଗିରଫ କରାଯାଇଛି । ଏହି ଚଢ଼ାଉ ସମୟରେ ଏସ ଆଇ କିଶୋର ରଥ, ଏସ ଆଇ ଚୀଦା ନନ୍ଦ ବେହେରା କରୁଣା କର ପାତ୍ର, ରାମଜାନ ଖାନ, ପି. କିଶୋର ,ମହିଳା ସିପାହୀ ରିନା ବାରିକ,ଇଶ୍ୱର କାଡ୍ରାକା ପ୍ରମୁଖ ଉପସ୍ଥିତ ରହିଥିଲେ ।
Popular Categories
Previous article
Next article