କଲମପୁର: ସୋମବାର ପଣ୍ଡିଗାଁ ପଞ୍ଚାୟତ ପରିସରରେ ନିର୍ମାଣ ଶେଷ ହେଇଥିବା ଜନ ସୁବିଧା କେନ୍ଦ୍ର କୋଠା ଏବଂ ପଞ୍ଚାୟତ ଭବନ କୋଠାର ଶୁଭ ଉଦଘାଟନ କରାଯାଇଛି। ବିଡିଓ ବିଜୟ କୁମାର ମାଣ୍ଡାଙ୍ଗି ଏବଂ ତହସିଲଦାର ସ୍ମରଣୀକା ତୁଳଙ୍କ ଉପସ୍ଥିତିରେ ସମିତି ଅଧ୍ୟକ୍ଷା ମୋତି ବିହାରୀ ଉଭୟ କୋଠାର ଶୁଭ ଉଦଘାଟନ କରିଛନ୍ତି। ପ୍ରଥମେ ସରପଞ୍ଚ କବିତା ଜୈନଙ୍କ ପୌରହିତ୍ୟ ତଥା ଶୁଶିଳ କୁମାର ଜୈନଙ୍କ ସହଯୋଗରେ କୋଠା ଶୁଭ ଉଦଘାଟନର ପୂଜା କାର୍ଯ୍ୟ ସମ୍ପାଦିତ ହେଇଥିଲା।
ଏହାପରେ ଉଭୟ କୋଠାକୁ ସମିତି ଅଧ୍ୟକ୍ଷା ଉଦଘାଟନ କରିଥିଲେ। ଜନ ସୁବିଧା କେନ୍ଦ୍ର ନିର୍ମାଣ ପାଇଁ ୧୦ ଲକ୍ଷ ଟଙ୍କା ବ୍ୟୟ ହେଇଥିବା ବେଳେ ପଞ୍ଚାୟତ ଭବନ ନିର୍ମାଣ ତଥା ଆବଶ୍ୟକ ସରଞ୍ଜାମ ପାଇଁ ସର୍ବମୋଟ ୧୭ ଲକ୍ଷ ଟଙ୍କା ବ୍ୟୟ କରାଯାଇଛି। ଏହି ଉଦଘାଟନୀ ଉତ୍ସବରେ ଅନ୍ୟତମ ଅତିଥି ଭାବେ ସହକାରୀ କାର୍ଯ୍ୟ ନିର୍ବାହୀ ଯନ୍ତ୍ରୀ ଇଂ. ସ୍ମୃତୀ ରଞ୍ଜନ ସେଠୀ, ସମିତି ସଭ୍ୟା ଟିକେମଣି ହଂସଙ୍କ ସମେତ ସମସ୍ତ ପଞ୍ଚାୟତ ପ୍ରତିନିଧି ଏବଂ ପଞ୍ଚାୟତ କର୍ମଚାରୀମାନେ ଉପସ୍ଥିତ ରହିଥିଲେ
Comments are closed.