କଲମପୁର:ସରକାରଙ୍କ ଆବାସ ଯୋଜନାରୁ ବଂଚିତ ଏବଂ ସମ୍ବଳ ଅଭାବରୁ ଘର ତିଆରି କରି ପାରୁନଥିବା ହିତାଧିକାରୀଙ୍କ ପାଇଁ ରାଜ୍ୟ ସରକାର ନିକଟରେ ଆରମ୍ଭ କରିଛନ୍ତି ‘ମୋ ଘର’ ଯୋଜନା। ଏହି ଯୋଜନା ସମ୍ବନ୍ଧରେ ଗୁରୁବାର କଲମପୁର ସମିତି କାର୍ଯ୍ୟାଳୟ ସଭାଗୃହରେ ଏକ ପ୍ରଶିକ୍ଷଣ ଶିବିରର ଅନୁଷ୍ଠିତ ହୋଇଯାଇଛି। ଏହି ଯୋଜନାର ଲକ୍ଷ୍ୟ ଉଦ୍ଦେଶ୍ୟ, ନିୟମାବଳୀ ନେଇ ପଞ୍ଚାୟତ ପ୍ରତିନିଧିଙ୍କୁ ପ୍ରଶିକ୍ଷଣ ଦିଆଯାଇଥିଲା। ‘ମୋ ଘର’ ଯୋଜନା ଏକ ଋଣ ଯୋଜନା। ଘର ତିଆରି ପାଇଁ ଆବଶ୍ୟକ ସମ୍ବଳର ଅଭାବ ହିତାଧିକାରୀଙ୍କୁ ‘ମୋ ଘର’ ଯୋଜନା ମାଧ୍ୟମରେ ଋଣ ପ୍ରଦାନ କରାଯିବାର ବ୍ୟବସ୍ଥା କରାଯାଇଛି।
ଜଣେ ଘର ତିଆରି କରିବା ପାଇଁ ବାର୍ଷିକ ୯ ପ୍ରତିଶତ ସୁଦ୍ଧ ହାରରେ ଋଣ ଆକାରରେ ଆର୍ଥିକ ସହାୟତା ପାଇ ପାରିବ। ଯାହା ୧୦ ବର୍ଷ ସମୟ ଅବଧି ମଧ୍ୟରେ ପରିଶୋଧ କରିବ। ଏଥିସହ ରାଜ୍ୟ ସରକାରଙ୍କ ତରଫରୁ ରିହାତି ସୁବିଧା ରହିଛି। ସାଧାରଣ ବର୍ଗର ଲୋକ ଏକ ଲକ୍ଷ ଟଙ୍କା ଋଣ ନେଲେ ୩୦ ହଜାର ଏବଂ ତଫସିଲ ଭୁକ୍ତ ଜାତ. ଜନଜାତି, ଏବଂ ଶାରିରୀକ ଅକ୍ଷମ ଥିବା ବ୍ୟକ୍ତି ବିଶେଷଙ୍କୁ ୪୦ ହଜାର ଟଙ୍କାର ରିହାତି ଯୋଗାଇବାର ବ୍ୟବସ୍ଥା କରାଯାଇଛି। ଗୁରୁବାରି ସମିତି କାର୍ଯ୍ୟାଳୟ ଠାରେ ଅନୁଷ୍ଠିତ ଏହି ତାଲିମ ଶିବିରରେ ବିଡିଓ ବିଜୟ କୁମାର ମାଣ୍ଡାଙ୍ଗି ଯୋଜନା ସମ୍ବନ୍ଧରେ ଉପସ୍ଥିତ ପଞ୍ଚାୟତ ପ୍ରତିନିଧିଙ୍କୁ ବୁଝାଇଥିଲେ। ସମିତି ଅଧ୍ୟକ୍ଷା ମୋତି ବିହାରୀ, ସମିତି ଉପାଧ୍ୟକ୍ଷ ଚିନ୍ତାମଣି ବେହେରା, ଜିଲ୍ଲା ପରିଷଦ ସଭ୍ୟା ଦୁହିତା ମାଝୀ, ନିବେଦିତା ହଂସ, ସରପଞ୍ଚ ଗଣେଶ ଚନ୍ଦ୍ର ପଣ୍ଡା, ଚନ୍ଦନ କୁମାର ପଣ୍ଡା, ଶୁସାନ୍ତ ମାଝୀ, ସୂର୍ଯ୍ୟକାନ୍ତି ପଣ୍ଡାଙ୍କ ସମେତ ସମିତି ସଭ୍ୟ ବୁଦ୍ଧଦେଇ ଭୋଇ, ବବୃ ବାହାନ ପୁଝାରୀ, କରୁଣା ବାଗ ପ୍ରମୁଖ ଯୋଗ ଦେଇଥିଲେ।
Comments are closed.