କଲମପୁର: ଗତ ୧୫ ଦିନ ଧରି ଲାଗି ରହିଥିଲା ଲଗାଣ ବର୍ଷା । ଏହି ଲଗାଣ ବର୍ଷା ଯୋଗୁଁ କଲମପୁର ଅଂଚଳର ନଦୀ, ନାଳରେ ଦୁଇ ଦୁଇ ଥର ବନ୍ୟାର ପ୍ରଭାବ ଦେଖା ଦେଇଥିଲା । ଯାହା ଦ୍ବାରା ଅନେକ ଚାଷ ଜମି ବାଲିଚର ହେଇ ନଷ୍ଟ ହେଇଥିବା ବେଳେ ଆହୁରି କିଛି ଚାଷ ଜମିରୁ ସଠିକ୍ ଭାବେ ପାଣି ନିଷ୍କାସିତ ହେଇନପାରି ଦିନ ଦିନ ଧରି ଜମି ରହିଯିବାରୁ ଅନେକ ଧାନ ଚାଷ ପଚି ନଷ୍ଟ ହେଇଯାଇଛି । ତେଣୁ ଏହାର ସଠିକ୍ ଆକଳନ କରି ତୁରନ୍ତ କ୍ଷତିଗ୍ରସ୍ଥ ଚାଷୀଙ୍କୁ ସରକାରୀ ସହାୟତା ଯୋଗାଇ ଦେବା ନେଇ କଲମପୁର ବ୍ଲକ ଅଧିନସ୍ଥ ଚୁରୁଗାଁର ଚାଷୀ ମାନେ ପୂର୍ବତନ ସମିତି ସଭ୍ୟ ସୁବୋଧ ଖମାରୀଙ୍କ ନେତୃତ୍ୱରେ ବ୍ଲକ ସହକାରୀ କୃଷି ଅଧିକାରୀ ସୁଜାତା ଛାତ୍ରିଆଙ୍କ ସମେତ ତହସିଲଦାରଙ୍କ ଦ୍ୱାରସ୍ତ ହେଇଛନ୍ତି ।
ଏହାସହ ଚାଷୀଙ୍କ ଚାଷ ଜମିର ସଠିକ୍ ଆକଳନ କରିବା ସହ କ୍ଷୟକ୍ଷତି ଆକଳନ କରି ସରକାରୀ ସହାୟତା ଯୋଗାଇ ଦେବା ପାଇଁ ଚାଷୀମାନେ ଦାବି କରିଛନ୍ତି । କେବଳ ଚୁରାଗାଁ ନୁହେଁ କଲମପୁର ବ୍ଲକର ହାତୀ ନଦୀ କୂଳରେ ଥିବା ଟେମରା, ଖଙ୍ଗାରଗୁଡା, ବିରିପୁର, ମାଟିଖାଲ, ଜାମପଡା, କର୍ମେଲ, ବାଲିଛଡା ଓ ବଙ୍କାପଲା । ସେହଭଳି କମଳ ନଦୀ ବନ୍ୟା ଦ୍ୱାରା ପ୍ରଭାବିତ ଦୁଲକିବନ୍ଧ, ରସଡୁମେର, ସାନକୁଟୃ ଆଦି ସମେତ ବିଭିନ୍ନ ନାଳର ବନ୍ୟା ପାଣି ଦ୍ୱାରା ବହୁ ଚାଷ ଜମି ବାଲିଚର ହେବା ସହ ରୁଆ ଯାଇଥିବା ଧାନ ସବୁ ପଚି ନଷ୍ଟ ହେଇଯାଇଛି । ଅନେକ ଚାଷ ଜମିରେ ପାଣିର ସ୍ରୋତ ଯୋଗୁଁ ଘାଇ ସବୁ ସୃଷ୍ଟି ହେଇଛି । ତେଣୁ ତୁରନ୍ତ ଏସବୁର ଆକଳନ କରାଯାଇ ତୁରନ୍ତ କ୍ଷତି ପୂରଣ ଦେବାର ବ୍ୟବସ୍ଥା କରାନଗଲେ ଚାଷୀ ପରିବାର ନିଜ ଗୁଜୁରାଣ ମେଣ୍ଟାଇବାରେ ଅସୁବିଧାର ସମ୍ମୁଖିନ ହେବେ ।
Comments are closed.