କଳାହାଣ୍ଡି : କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅନ୍ତର୍ଗତ ଭଇଁରିଗୁଡା ଗାଁରେ ରବିବାର ମାଉସୀଘରେ ଝିଆରୀ ଆତ୍ମହତ୍ୟା କରିଛି ।ସୂଚନା ଅନୁଯାୟୀ, ଜୁନାଗଡ଼ ସହରସ୍ଥିତ ମଦଭାଟି ପଡାର କପୁରଚନ ବେଶ୍ରାଙ୍କ ଝିଅ ଭଇଁରିଗୁଡା ଗ୍ରାମରେ ଥିବା ମଉସା ଜଳନ୍ଧର ଦୁର୍ଗା ଓ ମାଉସୀ ରାହାସ ଦୁର୍ଗାଙ୍କ ଘରକୁ ଗତ ତିନି ମାସ ତଳେ ଆସି ରହୁଥିଲେ । ମାଉସୀଙ୍କ ଘରେ କେହି ନଥିବା ବେଳେ ଯୁବତୀ ଜଣଙ୍କ ବେକରେ ଓଢ଼ଣି ଦେଇ ଆତ୍ମହତ୍ୟା କରିଥିଲେ । ଅପରାହ୍ନରେ ପରିବାର ଲୋକେ ଘରକୁ ଆସିବା ପରେ ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ । ପରେ ଝିଅ ପରିବାରକୁ ଖବର ଦେବା ସହ ଆତ୍ମହତ୍ୟା କରିଥିବା ନେଇ ଜୁନାଗଡ଼ ଥାନାରେ ଅଭିଯୋଗ କରିଥିଲେ । ତେବେ ଖବର ପାଇ ଘଟଣା ସ୍ଥଳରେ ଜୁନାଗଡ଼ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ମୃତଦେହକୁ ଜବତ କରି ବ୍ୟବଛେଦ ପାଇଁ ପଠାଇଛି।
