ମୁମ୍ବଇ : ଶାହିଦ କପୁରଙ୍କ ଅଭିନୀତ ଚଳଚ୍ଚିତ୍ର ‘କବୀର ସିଂହ’ ଦର୍ଶକଙ୍କ ବିପୁଳ ଭଲପାଇବା ହାସଲ କରିବା ସହ ବକ୍ସ ଅଫିସରେ ଉଲ୍ଲେଖନୀୟ ଆୟ କରୁଛି। ପ୍ରଥମ ଦିନରେ ଏହି ଚଳଚ୍ଚିତ୍ର ୨୦.୨୧ କୋଟି ଟଙ୍କା ଆୟ କରିଛି। ଏହାସହିତ ଶାହିଦଙ୍କ ସିନେ କ୍ୟାରିୟର ମଧ୍ୟରେ ‘କବୀର ସିଂହ’ ପ୍ରଥମ ଦିନରେ ସବୁଠୁ ଅଧିକ ଆୟ କରିଥିବା ଚଳଚ୍ଚିତ୍ର ପାଲଟିଛି। ଭାରତରେ ଏହାକୁ ୩୧୨୩ ପରଦାରେ ମୁକ୍ତିଲାଭ କରାଯାଇଛି। ଚଳଚ୍ଚିତ୍ରର ବଜେଟ୍ ପ୍ରାୟ ୬୦ କୋଟି ରହିଛି। ଆଗକୁ ମଧ୍ୟ ଏହା ଭଲ ବ୍ୟବସାୟ ଜାରି ରଖିବ ବୋଲି ଚଳଚ୍ଚିତ୍ର ସମୀକ୍ଷକମାନେ ମତପୋଷଣ କରିଛନ୍ତି।
ଉଲ୍ଲେଖଯୋଗ୍ୟ, ସନ୍ଦୀପ ଭାଙ୍ଗାଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରରେ ଶାହିଦଙ୍କ ବିପକ୍ଷରେ କିଆରା ଆଡ଼ଭାନୀଙ୍କୁ ନାୟିକା ଭାବେ ଦେଖିବାକୁ ମିଳିଛି। ଦର୍ଶକେ ପରଦାରେ ଦୁହିଁଙ୍କ ଯୋଡ଼ିକୁ ଖୁବ୍ ପସନ୍ଦ ମଧ୍ୟ କରିଛନ୍ତି। ଏହା ତେଲୁଗୁ ଚଳଚ୍ଚିତ୍ର ‘ଅର୍ଜୁନ ରେଡ୍ଡି’ର ହିନ୍ଦୀ ରିମେକ୍।
ଶାହିଦଙ୍କ କ୍ୟାରିୟରର ମଜଭୁତ ସ୍ତମ୍ଭ ‘କବୀର ସିଂହ’ : ପ୍ରଥମେ ଦିନରେ କଲା ଜବରଦସ୍ତ ଆୟ
Popular Categories
Previous article
Next article