ଭୁବନେଶ୍ଵର: ସିମୁଳିଆ ବିଧାୟକ ଜ୍ୟୋତିପ୍ରକାଶ ପାଣିଗ୍ରାହୀଙ୍କୁ ବୁଝାଇସୁଝାଇ ଘରକୁ ଫେରାଇ ଆଣିଛି ବିଜୁ ଜନତା ଦଳ। ବୁଧବାର ଦଳରୁ ଇସ୍ତଫା ଦେଇଥିବା ଜ୍ୟୋତିପ୍ରକାଶ ବିଜେଡିକୁ ବାହୁଡ଼ିବା ସହ ଦଳ ପକ୍ଷରୁ ତାଙ୍କୁ ନୂଆ ଦାୟିତ୍ଵ ଦିଆଯାଇଛି। ତାଙ୍କୁ ବାଲେଶ୍ଵର ଜିଲା ସଭାପତି ପଦ ଦେଇଛି ଦଳ। ଗୁରୁବାର ଏନେଇ ଦଳ ପକ୍ଷରୁ ସୂଚନା ଦିଆଯାଇଛି। ସେହିଭଳି ଅଶ୍ଵିନୀ କୁମାର ପାତ୍ରଙ୍କୁ ରାଜ୍ୟ ବରିଷ୍ଠ ସାଧାରଣ ସମ୍ପାଦକ ଭାବେ ନିଯୁକ୍ତି ମିଳିଛି।
ସୂଚନାଯୋଗ୍ୟ, ସିମୁଳିଆ ବିଧାୟକ ଜ୍ୟୋତିପ୍ରକାଶ ପାଣିଗ୍ରାହୀ ବୁଧବାର ବିଜେଡିରୁ ଇସ୍ତଫା ଦେଇଥିଲେ। ଚଳିତ ଥର ଟିକେଟ୍ ନ ମିଳିବାକୁ ନେଇ ଅସନ୍ତୁଷ୍ଟ ଥିବା ଜ୍ୟୋତିପ୍ରକାଶ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ନିଜ ଇସ୍ତଫା ପତ୍ର ପଠାଇଥିଲେ। ଏହାପରେ ଜ୍ୟୋତିପ୍ରକାଶଙ୍କୁ ନବୀନ ନିବାସରୁ ଡକରା ଆସିଥିବା ଏବଂ ସେଠାରେ ତାଙ୍କ ସହ ଆଲୋଚନା କରାଯାଇଥିବା ସୂଚନା ମିଳିଥିଲା।
Comments are closed.