ଭୁବନେଶ୍ୱର: ଭୁବନେଶ୍ୱର ଆମ୍ରି ଡାକ୍ତରଖାନା ରାସ୍ତାରେ ଶନିବାର ରାତିରେ ରଶ୍ମିକାନ୍ତ ମିଶ୍ର ନାମକ ଡାକ୍ତର ବାଇକରେ ଦ୍ରୁତ ଗତିରେ ଆସି ଧକ୍କା ଦେବାରୁ ସାମ୍ବାଦିକ ଜିତେନ୍ଦ୍ର ପ୍ରସାଦ ଦାସଙ୍କର ମୃତ୍ୟୁ ହୋଇଛି। ଦୁର୍ଘଟଣାରେ ଜିତେନ୍ଦ୍ରଙ୍କ ମୁଣ୍ଡରେ ଗଭୀର ଆଘାତ ଲାଗି ରାକ୍ତ ସ୍ରାବ ହୋଇଥିଲା। ଡାକ୍ତରଖାନାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସେ ରାଜ୍ୟର ବିଭିନ୍ନ ଅଗ୍ରଣୀ ଖବରକାଗଜ ସଂସ୍ଥାରେ କାର୍ଯ୍ୟ କରିଛନ୍ତି। ଖଣ୍ଡଗିରି ପାହାଡ ପାଦ ଦେଶରେ ଥିବା ଓଏସ୍ଆର୍ଟିସି ବସ୍ଷ୍ଟାଣ୍ଡ ନିକଟରେ ଚାଲି ଚାଲି ଯାଉଥିବା ସମୟରେ ଦ୍ରୁତଗତିରେ ବାଇକ୍ରେ ଆସୁଥିବା ରଶ୍ମି ତାଙ୍କୁ ଧକ୍କା ଦେଇଥିଲେ। ରାସ୍ତାରେ ଥିବା ଡିଭାଇଡର୍ରେ ପିଟି ହୋଇ ତାଙ୍କ ମୁଣ୍ଡରୁ ପ୍ରବଳ ରକ୍ତସ୍ରାବ ହୋଇଥିଲା।
ତାଙ୍କୁ ଉଦ୍ଧାର କରି ଆମ୍ରି ହସ୍ପିଟାଲ୍ରେ ଭର୍ତ୍ତି କରାଯାଇଥିଲା। ହେଲେ ଡାକ୍ତର ସେଠାରେ ତାଙ୍କ ମୃତ ଘୋଷଣା କରିଥିଲେ। ଜିତେନ୍ଦ୍ର ଜଣେ ଉତ୍ତମ ଲେଖକ ଓ ସାମ୍ବାଦିକ ଥିଲେ। କବିତା ରଚନା ଯୋଗୁଁ ତାଙ୍କ ବନ୍ଧୁ ମହଲରେ ସେ କବି ଭାବେ ପରିଚିତ ଥିଲେ। ଏବେ ତାଙ୍କର ପତ୍ନୀଙ୍କ ସହ ଗୋଟିଏ ଛୋଟ ଝିଅ ରହିଛନ୍ତି। ଜିତେନ୍ଦ୍ରଙ୍କ ମୃତ୍ୟୁରେ ସାମ୍ବାଦିକ ଜଗତରେ ଶୋକର ଛାୟା ଖେଳିଯାଇଛି।
Comments are closed.