ଦ୍ବାଦଶ ଶତାବ୍ଦୀର କବି ଜୟଦେବ ଓଡ଼ିଶାର ଗର୍ବ ଓ ଗୌରବ। ଅକ୍ଷୟ ତୃତୀୟା ତାଙ୍କର ପବିତ୍ର ଜନ୍ମତିଥି। ସେ ତାଙ୍କର ମହାକାବ୍ୟ ‘ଗୀତ ଗୋବିନ୍ଦ’ ପାଇଁ ବେଶ୍ ଜଣାଶୁଣା। ଜୟଦେବ ପୁରୀକୁ ମହାପ୍ରଭୁ ଜଗନ୍ନାଥଙ୍କୁ ଦେଖିବାକୁ ଯାଉଥିଲେ। ସେହି ଯାତ୍ରା ସମୟରେ ହିଁ ସେ ଗୀତଗୋବିନ୍ଦ ରଚନା ପାଇଁ ପ୍ରେରଣା ପାଇଥିଲେ। ଗୀତଗୋବିନ୍ଦର ପଦାବଳୀ ଶ୍ରୀଜଗନ୍ନାଥଙ୍କର ଅତ୍ୟନ୍ତ ପ୍ରିୟ ବୋଲି ଗ୍ରହଣ କରାଯାଏ। କୁହାଯାଏ, ପୁରୁଷୋତ୍ତମ କ୍ଷେତ୍ରରେ ପହଞ୍ଚିବା ପରେ ସେ ଜଗନ୍ନାଥଙ୍କୁ ଦେଖିଥିଲେ। ଗୋଟିଏ ଗଛ ତଳେ ରହି ପ୍ରଭୁଙ୍କ ପାଇଁ ଗୀତ ଗାଇବା ଆରମ୍ଭ କଲେ। ତାଙ୍କ ଦ୍ୱାରା ଅନୁପ୍ରାଣିତ ହୋଇ ଅନ୍ୟ ସାଧୁ-ମହାତ୍ମାଙ୍କ ସତସଙ୍ଗ ସେଠାରେ ହେବାକୁ ଲାଗିଲା। ଜଣେ ଜଗନ୍ନାଥ ଭକ୍ତ ତାଙ୍କ ଝିଅ ପଦ୍ମାବତୀଙ୍କୁ ଜୟଦେବଙ୍କ ସହ ବିବାହ କରାଇଥିଲେ। ସାଂସାରିକ ହେବା ସତ୍ତ୍ବେ ସେ ଜଣେ ସାଧୁ ପରି ଜୀବନ ବିତାଇବାକୁ ଲାଗିଲେ।
Comments are closed.