ନୂଆପଡ଼ା: ମା’ଙ୍କ ଆଶୀର୍ବାଦରୁ ବାଜିମାତ କରିବେ ଜୟ ଢୋଲକିଆ। ବୁଧବାର ନୂଆପଡ଼ା ସଦର ବ୍ଲକ ଜିଲ୍ଲା ପରିଷଦ ଜୋନ ୭ରେ ଜୟଙ୍କ ପାଇଁ ପ୍ରଚାରର ମଙ୍ଗ ଧରିଥିଲେ ତାଙ୍କ ମା’ ତଥା ସ୍ବର୍ଗତ ରାଜୁ ଢୋଲକିଆଙ୍କ ଧର୍ମପତ୍ନୀ କଳ୍ପନା ଢୋଲକିଆ। ସେ ଜୋନ ୭ର ଗାଁକୁ ଗାଁ ବୁଲି ଜୟଙ୍କ ପାଇଁ ଭୋଟ ଭିକ୍ଷା କରିଥିଲେ।
ଏହି ଅବସରରେ ସେ ପ୍ରତିକ୍ରିୟା ଦେଇ କହିଥିଲେ, ତାଙ୍କ ସ୍ଵାମୀ ସ୍ବର୍ଗତ ରାଜୁ ଢୋଲକିଆଙ୍କ ସେବା କାର୍ଯ୍ୟକୁ ଜୟ ଆଗକୁ ନେବ। ସେଥିପାଇଁ ସେ ନିର୍ବାଚନରେ ଛିଡ଼ା ହୋଇଛି। ଲୋକଙ୍କ ଆଶୀର୍ବାଦରୁ ବିଜୟ ସୁନିଶ୍ଚିତ ହେବ ବୋଲି ସେ କହିଥିଲେ। ଏହି ଅବସରରେ ନୂଆପଡ଼ା ବ୍ଲକ ଅଧ୍ୟକ୍ଷା ତାରେଶ୍ୱରୀ ସାହୁ, ସାରବଙ୍ଗ ସମିତି ସଭ୍ୟ ଜାଗୃତି ସାହୁ ଆମାନାରା ସମିତି ସଭ୍ୟ ନୂତନ ସାହୁ, ରଚନା ଜୈନ, ଧନୀ ରାମ ସାହୁ, ଚନ୍ଦ୍ରକାନ୍ତ ଠାକୁର ପ୍ରମୁଖ ଉପସ୍ଥିତ ଥିଲେ।
