ଜୟାଙ୍କୁ ପୁଣି ପ୍ରାର୍ଥୀ କରିବ ସମାଜବାଦୀ ପାର୍ଟି
![](https://samajalive.in/wp-content/uploads/2018/03/jaya.jpg)
ନୂଆଦିଲ୍ଲୀ : ଆଗାମୀ ରାଜ୍ୟସଭା ନିର୍ବାଚନରେ ଜୟା ବଚ୍ଚନ ସମାଜବାଦୀ ପାର୍ଟି ଟିକଟରେ ଉତ୍ତର ପ୍ରଦେଶରୁ ପ୍ରତିଦ୍ୱନ୍ଦ୍ୱିତା କରିବେ ବୋଲି ଜଣାପଡିଛି। ପୂର୍ବରୁ ରାଜ୍ୟସଭା ଟିକଟ ହାର୍ଦୋଇ ବିଧାୟକ ନରେଶ ଅଗ୍ରୱାଲଙ୍କୁ ପ୍ରଦାନ କରାଯିବ ବୋଲି ଚର୍ଚ୍ଚା ଚାଲିଥିଲା। ତେବେ ଜୟା ଦୀର୍ଘ ବର୍ଷ ଧରି ସମାଜବାଦୀ ପାର୍ଟି ପ୍ରତି ଆନୁଗତ୍ୟ ପ୍ରକାଶ କରିଆସୁଥିବାରୁ ଏଥର ତାଙ୍କୁ ପ୍ରାର୍ଥୀ କରାଯିବ ବୋଲି ରାଜ୍ୟସଭା ସାଂସଦ ଅମର ସିଂହ କହିଛନ୍ତି।
ଉତ୍ତର ପ୍ରଦେଶର ୧୦ଟି ରାଜ୍ୟସଭା ଆସନ ପାଇଁ ମାର୍ଚ୍ଚ ୨୩ରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ରାଜ୍ୟସଭା ସାଂସଦଭାବେ ଜୟାଙ୍କ ତୃତୀୟ ଅବଧି ଏପ୍ରିଲ ୩ରେ ଶେଷ ହେବ।