ଶ୍ରୀନଗର : କିଏ ଆତଙ୍କବାଦୀ ଓ କିଏ ସାଧାରଣ ନାଗରିକ ତାହା ବନ୍ଧୁକର ଗୁଳି ବିଚାର କରିପାରେ ନାହିଁ। ତେଣୁ ଗୁଳିବିନିମୟ ସ୍ଥଳରେ ସାଧାରଣ ନାଗରିକଙ୍କ ମୃତ୍ୟୁ ପାଇଁ ସେମାନେ ନିଜେ ହିଁ ଦାୟୀ ବୋଲି ଜାମ୍ମୁ-କାଶ୍ମୀର ପୁଲିସ ମହାନିର୍ଦେଶକ ଏସପି ବୈଦ କହିଛନ୍ତି। ଗୁରୁବାର ବୈଦ କହିଛନ୍ତି ଯେ ଗୁଳିବିନିମୟସ୍ଥଳ ବିବାହ ଉତ୍ସବର ସ୍ଥାନ ନୁହେଁ; ତେଣୁ ଏପରି ସ୍ଥାନରୁ ସାଧାରଣ ଜନତା ଦୂରେଇ ରହିବା ଦରକାର। କେହି କେବେହେଲେ ଜଣେ ସାଧାରଣ ନାଗରିକଙ୍କର ମୃତ୍ୟୁ ଚାହେଁ ନାହିଁ; ଏପରି ମୃତ୍ୟୁରେ ସୁରକ୍ଷାକର୍ମୀମାନେ ଦୁଃଖ ପ୍ରକାଶ କରିଥାନ୍ତି। ବୁଧବାର କୁଲଗାଓଁ ଜିଲାରେ ଗୁଳିବିନିମୟ ଘଟି ୪ଜଣ ସାଧାରଣ ନାଗରିକଙ୍କର ମୃତ୍ୟୁ ହେବା ପରେ ପୁଲିସ ଡିଜିପି ଏପରି ମତ ଦେଇଛନ୍ତି। ଟ୍ୱିଟ୍ରରେ ଚାଲିଥିବା ଏକ ପ୍ରଶ୍ନ ଉତ୍ତର କାର୍ଯ୍ୟକ୍ରମରେ ଭାଗ ନେଇ ଶ୍ରୀ ବୈଦ ଏପରି ମତ ଦେଇଛନ୍ତି। ଆତଙ୍କବାଦୀଙ୍କୁ ସୁରକ୍ଷା ଦେବାକୁ କାଶ୍ମୀର ଯୁବକମାନେ ଗୁଳିବିନିମୟସ୍ଥଳକୁ ଆସି ସୁରକ୍ଷାକର୍ମୀଙ୍କ ଉପରକୁ ଟେକା ପଥର ମାଡ କରିଥାନ୍ତି। ଏହି ସମୟରେ ସେମାନେ ସୁରକ୍ଷାକର୍ମୀଙ୍କ ଗୁଳିରେ ପ୍ରାଣ ହରାଇଥାନ୍ତି।
Popular Categories
Previous article
Next article