ନ୍ୟୁୟର୍କ: ଭାରତର ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର ସୋମବାର ତାଙ୍କର ଆମେରିକା ପ୍ରତିପକ୍ଷ ମାର୍କୋ ରୁବିଓଙ୍କୁ ନ୍ୟୟର୍କରେ ଭେଟି ଦ୍ବିପାକ୍ଷିକ କଥାବାର୍ତ୍ତା କରିଛନ୍ତି। ଭାରତ ଉପରେ ଆମେରିକା ପ୍ରଶାସନ ୫୦% ଟିକସ ଲାଗୁ କରିବା ଓ ଏଚ ୧ବି ଭିସା ଦର ବୃଦ୍ଧି ପରେ ଦୁଇ ଦେଶର ବୈଦେଶିକ ମନ୍ତ୍ରୀଙ୍କ ମଧ୍ୟରେ ପ୍ରଥମ ସାକ୍ଷାତ ଆଲୋଚନା ହୋଇଛି।
ଜାତିସଂଘ ସାଧାରଣ ପରିଷଦ (ୟୁଏନ୍ଜିଏ)ର ୮୦ତମ ବୈଠକ ଅବସରରେ ଏହି ଦୁଇ ନେତାଙ୍କ ସାକ୍ଷାତ ହୋଇଛି। ଏହା ପୂର୍ବରୁ ଗତ ଜୁଲାଇରେ ଦୁଇ ନେତା ୧୦ମ କ୍ବାଦ ବୈଦେଶିକ ମନ୍ତ୍ରୀଙ୍କ ସମ୍ମିଳନୀ କାଳରେ ପରସ୍ପରକୁ ସାକ୍ଷାତ କରିଥିଲେ। ସୂଚନାଯୋଗ୍ୟ ଭାରତରୁ ଆମଦାନୀ ହେଉଥିବା ସାମଗ୍ରୀ ଉପରେ ଆମେରିକା ୫୦% ଟିକସ ଲାଗୁ କରିଛି। ସେହିପରି ଏଚ ୧ବି ଭିସା ଦର ୧ଲକ୍ଷ ଡଲାରକୁ ବୃଦ୍ଧି କରିଛନ୍ତି। ଭିସା ଦର ବୃଦ୍ଧି ଭାରତୀୟ ଆଇଟି ଇଞ୍ଜିନିୟରଙ୍କ ପାଇଁ ଚିନ୍ତାର କାରଣ ହେଇଛି।
