ଚୌଦ୍ୱାର: ଶୁକ୍ରବାର ଜେଲ ଡିଜି ମନୋଜ ଛାବରା ଦିନ ଚୌଦ୍ୱାର ମଣ୍ଡଳ କାରାଗାର ପରିଦର୍ଶନ କରିଛନ୍ତି। ତାଙ୍କ ସହିତ ଏଡିଜି ଦିପ୍ତେଶ ପଟ୍ଟନାୟକ ଓ ଡିଆଇଜି ଶୁଭ୍ରକାନ୍ତ ମିଶ୍ର କାରାଗାର ପରିଦର୍ଶନ କରି କାରାଗାର ଅନ୍ତେବାସୀଙ୍କ ସହିତ ଭାବର ଆଦାନପ୍ରଦାନ କରିବା ସହିତ ସେମାନଙ୍କର ସମସ୍ୟା ସମ୍ପର୍କରେ ପଚାରି ବୁଝିଥିଲେ। ସେ କାରାଗାର ପରିସରରେ ଥିବା ବିଭିନ୍ନ ୱାର୍ଡ଼ ବୁଲି ଦେଖିବା ସହିତ ବିଭିନ୍ନ ଉନ୍ନୟନ କାର୍ଯ୍ୟକ୍ରମ ଗୁଡିକର ମଧ୍ୟ ତଦାରଖ କରିଥିଲେ। ଶ୍ରୀ ଛାବରା କାରାଗାରର ବିଭିନ୍ନ ସମସ୍ୟା ସମ୍ପର୍କରେ ବିଭାଗୀୟ ଅଧିକାରୀ ମାନଙ୍କ ସହିତ ଆଲୋଚନା କରିଥିବା ଜଣାପଡିଛି। ଏହି ଅବସରରେ ଚୌଦ୍ୱାର ମଣ୍ଡଳ କାରାଗାର ଅଧିକ୍ଷକ କୁଳମଣି ବେହେରା,ଜେଲର ବିଭୁଦେନ୍ଦ୍ର ଭୁୟାଁଙ୍କ ସମେତ ସମସ୍ତ ଅଧିକାରୀ ଉପସ୍ଥିତ ଥିଲେ।
Popular Categories
Previous article
Next article