ଭୁବନେଶ୍ଵର: ବନ୍ୟପ୍ରାଣୀ, ଉଦ୍ଭିଦ ଓ ଖଣିଜ ସମ୍ପଦର ହରିଲୁଟ ଏବଂ ଚୋରାଚାଲାଣ ବିଷୟରେ ପ୍ରତିଦିନ ଗଣମାଧ୍ୟମରେ ଖବର ପ୍ରକାଶ ପାଉଛି। ଏହାକୁ ରୋକିବାକୁ ସରକାର ନେଇଥିବା ପଦକ୍ଷେପ ପର୍ଯ୍ୟାପ୍ତ ନୁହେଁ। କୋଟି କୋଟି ଟଙ୍କାର ବୃହତ୍ ଓ ଲଘୁ ଖଣିଜ ଦ୍ରବ୍ୟ ହରିଲୁଟ, ବନ୍ୟ ପ୍ରାଣୀଙ୍କୁ ଜିଅନ୍ତା ଓ ମୃତ ଚୋରା ବେପାର ଚାଲିଛି। ଏହାଦ୍ବାରା ପ୍ରକୃତି ଭାରସାମ୍ୟ ହରାଉଛି ଓ ପ୍ରାକୃତିକ ବିପର୍ଯ୍ୟୟ ଯଥା ବନ୍ୟା, ବାତ୍ୟା, ଭୂମିକମ୍ପ, ସୁନାମି ଓ ଅଦିନିଆ ଝଡ଼ବର୍ଷା ହେଉଛି। ଲଘୁ ଓ ବୃହତ୍ ଖଣିଜ ସମ୍ପଦ, ବନ୍ୟପ୍ରାଣୀ ଓ ଜଙ୍ଗଲଜାତ ଦ୍ରବ୍ୟର ହରିଲୁଟ ଓ ଚୋରାଚାଲାଣ ରୋକିବାକୁ ହେଲେ ପ୍ରଥମତଃ ସ୍ଥାନୀୟ ଜନସାଧାରଣଙ୍କୁ ସଚେତନ କରିବା ଯେ ସମସ୍ତ ପ୍ରାକୃତିକ ସମ୍ପଦ ତାଙ୍କର ଓ ସେମାନଙ୍କ ହିତ ପାଇଁ ପ୍ରତ୍ୟକ୍ଷ ଓ ପରୋକ୍ଷରେ ଉଦ୍ଦିଷ୍ଟ। ଦ୍ୱିତୀୟତଃ ସ୍ଥାନୀୟ ଯୁବବାହିନୀଙ୍କୁ ନେଇ ଖଣିଜ ସମ୍ପଦ ଓ ଜଙ୍ଗଲ ଜାତ ସମ୍ପଦର ସୁରକ୍ଷା ପାଇଁ ସଂଘ ଗଠନ କରିବା ସହିତ ତାଙ୍କୁ ତାଲିମ ଦେବା। ସେମାନେ ଅପରାଧୀଙ୍କ ବିରୋଧରେ ଓ ଅପରାଧ ଘଟାଇବା ପୂର୍ବରୁ ସୂଚନା ସଂଗ୍ରହ କରିବେ ଓ ଯଥା ସମୟ ରେ କାର୍ଯ୍ୟନିର୍ବାହୀ ଅଧିକାରୀଙ୍କୁ ପ୍ରଦାନ କରିବେ। ତାଙ୍କ ନାମ ଗୁପ୍ତ ରହିବ ଓ ସେମାନଙ୍କୁ ଅର୍ଥ ପୁରସ୍କାର ବ୍ୟବସ୍ଥା କରିବେ। ତୃତୀୟତଃ କୃତ୍ରିମ ବୁଦ୍ଧିମତା ପଦ୍ଧତି ଆପଣେଇ ଚୋରା ଚାଲାଣକାରୀଙ୍କ ଗତିବିଧି ଉପରେ ନଜର ରଖି କାର୍ଯ୍ୟାନୁଷ୍ଠାନ ଗ୍ରହଣକଲେ ଏହାକୁ ବହୁମାତ୍ରାରେ ରୋକାଯାଇପାରିବ। ଚତୁର୍ଥରେ, ଫାଷ୍ଟଟ୍ରାକ ନ୍ୟାୟାଳୟ ପ୍ରତିଷ୍ଠା କରି ଖଣିଜ ସମ୍ପଦ ଓ ବଣ୍ୟଜାତ ପ୍ରାଣୀ ଓ ଉଦ୍ଭିଦ ଜନିତ ଅପରାଧକୁ ଶୀଘ୍ର ନ୍ୟାୟିକ ପ୍ରଣାଳୀରେ ଶେଷ କରି ଦୋଷୀକୁ ଦଣ୍ଡବିଧାନ କରିବା ଦରକାର।
Comments are closed.