କେନ୍ଦୁଝରଗଡ଼: ରୋଟାରୀ କ୍ଲବ କେନ୍ଦୁଝରଠାରେ ମୁଖ୍ୟ ଆୟକର ଆଯୁକ୍ତ ସମ୍ବଲପୁର ଡ. ସରିତା ମିଶ୍ର ଓ ଯୁଗ୍ମ ଆୟକର ଆୟୁକ୍ତ ରାଉରକେଲା ବିମଲ ଚନ୍ଦ୍ର ଦାସଙ୍କ ନିର୍ଦ୍ଦେଶରେ ଶୁକ୍ରବାର ଆୟକର ସମ୍ବନ୍ଧୀୟ ଏକ ସଚେତେନା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ କେନ୍ଦୁଝର ଆୟକର ଅଧିକାରୀ ସ୍ୱରଣେନ୍ଦ୍ର ମିଶ୍ର ଅଧ୍ୟକ୍ଷତା କରି ଆୟକର ଅଧିନିୟମ ୧୯୬୧ ସମ୍ପର୍କରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ। ବିଶେଷକରି ସରକାରୀ ତଥା ବେସରକାରୀ ବେତନଭୋଗୀ କର୍ମଚାରୀମାନଙ୍କ ପାଇଁ ଉଦ୍ଦିଷ୍ଟ ନିୟମଗୁଡିକୁ ଆୟକର ଅଧିକାରୀ ଭଲଭାବେ ସରଳ ଭାବରେ ବୁଝାଇଥିଲେ। ବିଗତ ଦିନରେ ହୋଇଥିବା ବେନିୟମ ଆୟକର ଛାଡ଼ ତଥା ଆୟକର ଫାଙ୍କିବା ପାଇଁ ବିଭିନ୍ନ ଆୟକରଦାତାମାନଙ୍କ ଦ୍ୱାରା ଆପଣାଯାଉଥିବା ନିୟମ ବହିର୍ଭୂତ କାର୍ଯ୍ୟ ସମ୍ବନ୍ଧରେ ଅଧିକାରୀ ଆଲୋକପାତ କରିବା ଅବସରରେ ଆୟକର ଫାଙ୍କୁଥିବା ବ୍ୟକ୍ତିଙ୍କ ବିରୋଧରେ ଆୟକର ଅଧିନିୟମ ଅନୁଯାୟୀ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମଧ୍ୟ କହିଥିଲେ। କେନ୍ଦୁଝର ଜିଲାର ପ୍ରାୟ ୩୫ ସରକାରୀ ଓ ବେସରକାରୀ ଅଧିକାରୀ ଏହି ଶିବିରରେ ଯୋଗ ଦେଇଥିବାବେଳେ ଆୟକର ନିରୀକ୍ଷକ ଅମରଜିତ କୁମାର ଏବଂ ବାସନ୍ତୀ ହେମ୍ବ୍ରମ ଶିବିର ଆୟୋଜନ ଓ ପରିଚାଳନାରେ ସହଯୋଗ କରିଥିଲେ।
Popular Categories
Previous article
Next article