ତେହେରାନ୍ – ଇରାନ୍ରେ ଏବେ ବୁର୍ଖାକୁ ନେଇ ବିବାଦ । ବୁର୍ଖା ପିନ୍ଧିବାକୁ ବିରୋଧ କରୁଛନ୍ତି ଅନେକ ମହିଳା । ମାତ୍ର ଏଥିପାଇଁ ବିରୋଧ ପ୍ରଦର୍ଶନକାରୀଙ୍କୁ କଡା ଦଣ୍ଡ ମିଳିଛି । ଜଣେ ପ୍ରଦର୍ଶନକାରୀଙ୍କୁ ମୃତ୍ୟୁ ଦଣ୍ଡ ଦିଆଯାଇଥିବା ବେଳେ ଅନ୍ୟମାନଙ୍କୁ ୫ରୁ ୧୦ ବର୍ଷ ଜେଲ୍ ଦଣ୍ଡରେ ଦଣ୍ଡିତ କରାଯାଇଛି । ଇରାନ୍ରେ ସରକାରୀ ବିରୋଧୀ ପ୍ରଦର୍ଶନ ପାଇଁ ପ୍ରଥମ ଥର ପାଇ ମୃତ୍ୟୁଦଣ୍ଡ ଦିଆଯାଇଛି ।
ରାଷ୍ଟ୍ରୀୟ ସୁରକ୍ଷା ଏବଂ ସାର୍ବଜନିକ ବ୍ୟବସ୍ଥାକୁ ଉଲ୍ଲଘଂନ ଅଭିଯୋଗରେ ଏହି ଦଣ୍ଡାଦେଶ କରାଯାଇଛି । ହିଜାବ ବିରୋଧରେ ହଜାର ହଜାର ସଂଖ୍ୟାରେ ମହିଳା ଇରାନ୍ରେ ରାସ୍ତାକୁ ଓହ୍ଲାଇ ପ୍ରଦର୍ଶନ କରିଥିଲେ । ଏହି ସମୟରେ ଏକ ସରକାରୀ ଭବନକୁ କେହି ନିଆଁ ଲଗାଇ ଦେଇଥିଲେ ।
ଏହି ଘଟଣାପରେ ଗିରଫ କରାଯାଇଥିବା ମହିଳା ଏବଂ ପୁରୁଷଙ୍କ ବିରୋଧରେ ମାମଲା ରୁଜୁ କରାଯାଇଥିଲା । ଗତ ବର୍ଷ ଡିସେମ୍ବର ୧୬ ତାରିଖରେ ୨୨ ବର୍ଷିୟ ମହିସା ଅମୀନଙ୍କୁ ପୁଲିସ ବୁର୍ଖା ପିନ୍ଧି ନଥିବାରୁ ମାଡ ମାରିଥିଲେ ଏବଂ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା । ଏହାପରେ ଇରାନ୍ରେ ଜୋରଦାର ବିରୋଧ କରାଯାଇଥିଲା ।
ଏବେ ମୃତ୍ୟୁଦଣ୍ଡାଦେଶ ପରେ ଇରାନ୍ରେ ଆହୁରି ବିକ୍ଷୋଭ ପ୍ରଦର୍ଶନ କରାଯିବ ବୋଲି ଆଶଙ୍କା କରାଯାଉଛି।
Comments are closed.