ଆଠଗଡ : କଟକ ବିଡାନାସୀ ଖେଳପଡିଆରେ ଚାଲିଥିବା ବ୍ଲକସ୍ତରୀୟ ୧୭ବର୍ଷରୁ କମ୍ ବିଦ୍ୟାଳୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚରେ କଟକ ସଦର ବ୍ଲକଠାରୁ ପରାସ୍ତ ହୋଇ ଆଠଗଡ ବ୍ଲକ ବାଳିକା ଦଳ ରନର୍ସଅପ ହୋଇଛି । ଆଠଗଡ ବ୍ଲକ ବାଳିକା ଦଳ ଗତ ୧୪ତାରିଖ ଅନୁଷ୍ଠିତ ସେମିଫାଇନାଲ ମ୍ୟାଚରେ ନିଶ୍ଚିତକୋଇଲି ବ୍ଲକକୁ ପେନାଲ୍ଟି ସୁଟଆଉଟରେ ୪-୧ ଗୋଲ ଦେଇ ବିଜୟୀ ହେବା ସହ ଫାଇନାଲକୁ ଉନ୍ନୀତ ହୋଇଥିଲା । ତେବେ ଫାଇନାଲ ମ୍ୟାଚରେ ଆଠଗଡ ଦଳ କଟକ ସଦର ଦଳଠାରୁ ହାରି ରନର୍ସ ଅପ୍ ଆଖ୍ୟା ଅର୍ଜନ କରିଛି। ବ୍ଲକ ସଂପାଦକ ବିଜୟ କୁମାର ସାହୁଙ୍କ ପରିଚାଳନାରେ ଯାଇଥିବା ଆଠଗଡ ବାଳିକା ଦଳର ପ୍ରଶିକ୍ଷକ ଭାବେ ପ୍ରକାଶ ଚନ୍ଦ୍ର ତ୍ରିପାଠୀ ଏବଂ ସହ ପ୍ରଶିକ୍ଷକ ଭାବେ ସଂଘମିତ୍ରା ପଣ୍ଡା ଓ ରଶ୍ମିତା ରାଉତ ଏହି ଟୁର୍ଣ୍ଣାମେଣ୍ଟରେ ବାଳିକା ଖେଳାଳିଙ୍କୁ ନେଇ ଯୋଗଦେଇଥିଲେ।
Comments are closed.