ପାଟଣା: ଘଟଗାଁ ଥାନା ଅନ୍ତର୍ଗତ ୨୦ନଂ ଜାତୀୟ ରାଜପଥ ଅନ୍ତର୍ଗତ ଖଣ୍ଟଘର ପଥକର ଫାଟକ ନିକଟରେ ଘର କରିଥିବା ପ୍ରତିଷ୍ଠିତ ବ୍ୟବସାୟୀ ମକରଧ୍ବଜ ସାହୁଙ୍କ ଘରୁ ଗତ କାଲି ବଡ଼ ଧରଣର ଡ଼କାୟତି ଉଦ୍ୟମ ପଣ୍ଡ କରିଛନ୍ତି ସ୍ଥାନୀୟ ଲୋକେ। ଗତ ରାତି ଅନୁମାନ ୧୦ରୁ ୧୨ ଜଣ ଡକାୟତ ମକରଧ୍ବଜଙ୍କ ଘର ଗେଟ ଚାବି ଭାଙ୍ଗି ଘର ପରିସରରେ ପହଞ୍ଚି ଭଡ଼ା ଘରେ ରହୁଥିବା ଲୋକଙ୍କ କବାଟ ବାହାରପଟୁ ବନ୍ଦ କରିଦେଇଥିଲେ। ଏହା ପରେ ତାଙ୍କ ପୁଅ ଶୋଇଥିବା ଘର ଝରକା ଭାଙ୍ଗି ପଶିବା ସମୟରେ ପୁଅ ଚିତ୍କାର କରିବାରୁ ମକରଧ୍ବଜ ଡକାୟତ ପଶିଥିବା ଜାଣି ସ୍ଥାନୀୟ ବାସିନ୍ଦାଙ୍କୁ ଫୋନ୍ ଯୋଗେ ସୂଚନା ଦେଇଥିଲେ। ଢେଙ୍କିକୋଟର ସାମ୍ବାଦିକ ବିଶ୍ବରଂଜନ ପୃଷ୍ଟିଙ୍କ ସହ ଅଶେଷ କୁମାର ସାହୁ, ତାପସ ଓଝା ଓ ମାନସ ଓଝା ପ୍ରମୁଖ ତ୍ୱରିତ ଘଟଣା ସ୍ଥଳକୁ ଯାଇ ପହଞ୍ଚିବା ବେଳକୁ ଡକାୟତମାନେ ଭୟରେ ଫେରାର ହୋଇଯାଇଥିଲେ। ଫେରାର ହେବା ପୂର୍ବରୁ ସିସିଟିଭିର ହାର୍ଡ ଡିସ୍କ ସେମାନେ ଭାଙ୍ଗି ଦେଇଥିବା ଜଣାପଡିଛି। ଢେଙ୍କିକୋଟ ଫାଣ୍ଡି ଅଧିକାରୀ ତରଣିସେନ ବାଗ ଘଟଣାର ତଦନ୍ତ କରୁଛନ୍ତି।
Comments are closed.