ନୂଆଦିଲ୍ଲୀ: ଇଣ୍ଡିଗୋ ବିମାନରେ ପାଇଲଟଙ୍କୁ ଦୁର୍ବ୍ୟବହାର । ବିମାନ ଉଡାଣରେ ବିଳମ୍ବ ନେଇ ପାଇଲଟ ଘୋଷଣା କରୁଥିବା ବେଳେ ବିମାନର କ୍ୟାପଟେନଙ୍କୁ ପିଟିଛନ୍ତି ଜଣେ ଯାତ୍ରୀ । ଯାହାର ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି । ଭିଡ଼ିଓ ଭାଇରାଲ ହେବା ପରେ ଲୋକମାନେ ଯାତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏହି ବିମାନଟି ଦିଲ୍ଲୀରୁ ଗୋଆକୁ ଯାଉଥିଲା ବୋଲି ସୂଚନା ମିଳିଛି ।
ସୂଚନା ଅନୁସାରେ ଇଣ୍ଡିଗୋ ବିମାନ ଦିଲ୍ଲୀରୁ ଗୋଆ ଅଭିମୁଖେ ଯାତ୍ରା ଆରମ୍ଭ କରିବାକୁ ଥିଲା । ହେଲେ ଖରାପ ପାଗ କୁହୁଡି ଯୋଗୁ ଉଡାଣରେ ବିମ୍ବଳ ହୋଇଥିଲା । ବିମାନ ଉଡିବା ବିଳମ୍ବ ହେବା ପରେ ଜଣେ ଯାତ୍ରୀ ବିମାନର ପାଇଲଟଙ୍କୁ ପିଟିଥିଲେ । ଭିଡ଼ିଓରୁ ସ୍ପଷ୍ଟ ଜଣାପଡୁଛି ଯେ ପାଇଲଟ ବିମାନ ବିଳମ୍ବ ନେଇ ଘୋଷଣା କରିବା ବେଳେ ଯାତ୍ରୀ ଜଣଙ୍କ ତାଙ୍କୁ ଆକ୍ରମଣ କରିଥିଲେ । ଆଉ କହିଥଲେ ଯଦି ଆପଣ ଯିବା କଥା ଚାଲନ୍ତୁ ନଚେତ ଅନ୍ୟତ୍ର ଡ୍ରାଇଭ୍ କରନ୍ତୁ । ବିମାନ ସଠିକ୍ ସମୟରେ ଯାତ୍ରା ଆରମ୍ଭ କରିନଥିବାରୁ କ୍ରୋଧିତ ହୋଇଥିଲେ ଯାତ୍ରୀ । ଏହି ଭିଡ଼ିଓ ଭାଇରାଲ ହେବା ପରେ ଲୋକମାନେ ଯାତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ତେବେ ସଂପୃକ୍ତ ଯାତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହୋଇଛି ଅଭିଯୋଗ ପରେ ତଦନ୍ତ ଆରମ୍ଭ କରିଛି ପୁଲିସ ।
Comments are closed.