ନୂଆଦିଲ୍ଲୀ: ମହାମାରୀ କରୋନାର ମୁକାବିଲା ପାଇଁ ବିଶ୍ୱର ଅଧିକାଂଶ ଦେଶ ଟିକା ପ୍ରସ୍ତୁତି ଚେଷ୍ଟାରେ ଲାଗି ପଡିଥିବା ବେଳେ ଭାରତ ମଧ୍ୟ ଏଥିରେ ପଛରେ ପଡିନି। ଭରତରେ ବିଭିନ୍ନ ସଂସ୍ଥା ପକ୍ଷରୁ ଏ ନେଇ ପ୍ରସ୍ତୁତି ଚାଲିଛି। କିଛି ସଂସ୍ଥାର ଟିକା ପରୀକ୍ଷଣ ପର୍ଯ୍ୟାୟରେ ପହଞ୍ଚିଛି ବୋଲି ଜଣାପଡିଛି। ଏ ନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି। କରୋନା ଟିକା ପ୍ରସ୍ତୁତି ପାଇଁ ଗଠନ କରାଯାଇଥିବା ଟାସ୍କଫୋର୍ସ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଧ୍ୟକ୍ଷତା କରି ସ୍ଥିତି ସମୀକ୍ଷା କରିଥିଲେ। ଟିକା ଉପରେ ଗବେଷଣା, ପ୍ରସ୍ତୁତି ତଥା କେତେକ କ୍ଷେତ୍ରରେ ପରୀକ୍ଷଣ ପର୍ଯ୍ୟାୟରେ ଥିବା ବୈଠକରେ ସୂଚନା ଦିଆଯାଇଛି।
Chaired a meeting on the Task Force on Corona Vaccine Development, Drug Discovery, Diagnosis and Testing. https://t.co/CPTSFBMeBM
— Narendra Modi (@narendramodi) May 5, 2020
ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଦ୍ୱାରା ପ୍ରକାଶିତ ଏକ ବିବୃତ୍ତି ଅନୁଯାୟୀ, ଭାରତୀୟ ଟିକା କମ୍ପାନୀଗୁଡିକ ପ୍ରାରମ୍ଭିକ ପର୍ଯ୍ୟାୟ ଟିକା ବିକାଶ ଅନୁସନ୍ଧାନରେ ସଫଳ ଭାବରେ ଆଗକୁ ଆସିଛନ୍ତି। ଏବେ ୩୦ରୁ ଅଧିକ ଭାରତୀୟ ଟିକା ବିକାଶ ପର୍ଯ୍ୟାୟରେ ଅଛି ଏବଂ ସେଥିମଧ୍ୟରୁ ଅଳ୍ପ କେତୋଟି ପ୍ରାଥମିକ ପରୀକ୍ଷା ପର୍ଯ୍ୟାୟକୁ ଯାଉଛି। ପ୍ରଧାନମନ୍ତ୍ରୀ କହିଛନ୍ତି, ଭାରତୀୟ ବୈଜ୍ଞାନିକମାନେ ମୌଳିକତା ଠାରୁ ଆରମ୍ଭ କରି ପ୍ରାୟୋଗିକ ବିଜ୍ଞାନ ପର୍ଯ୍ୟନ୍ତ ସବୁ କ୍ଷେତ୍ରରେ ଏକାଠି ହୋଇଛନ୍ତି ଏବଂ ଏହି ଉଦ୍ଦେଶ୍ୟ ଆମକୁ ନିଶ୍ଚୟ ଆଗକୁ ନେବ।
