ଅହମ୍ମଦାବାଦ: ବିଶ୍ବକପରେ ପାକିସ୍ତାନ ବିପକ୍ଷରେ ଭାରତର ବିଜୟ ରେକର୍ଡ। ଅହମ୍ମଦାବାଦରେ ପାକିସ୍ତାନକୁ ୭ ୱିକେଟରେ ହରାଇବା ପରେ ବିଶ୍ବକପ ଟେବୁଲ ପଏଣ୍ଟର ଶୀର୍ଷକୁ ଉନ୍ନୀତ ହେଲା ଭାରତ। ବିଶ୍ବକପରେ ଅଂଶଗ୍ରହଣ କରିଥିବା ସମସ୍ତ ୧୦ଦଳକୁ ପଛରେ ପକାଇ ଶୀର୍ଷକୁ ଉନ୍ନୀତ ହୋଇଛି ଭାରତ। ବିଶ୍ବକପର ତୃତୀୟ ମ୍ୟାଚରେ ୩ୟ ବିଜୟ ସହ ଭାରତ ୬ ପଏଣ୍ଟ ପାଇ ଶୀର୍ଷକୁ ଉନ୍ନୀତ ହୋଇଛି। ଯଦିଓ ନ୍ୟୁଜିଲାଣ୍ଡ ୬ ପଏଣ୍ଟ ପାଇ ପୂର୍ବରୁ ଶୀର୍ଷରେ ରହିଥିଲା ଆଜିର ମ୍ୟାଚ ପରେ ଉନ୍ନତ ରନ ହାରରେ ଭାରତ ପ୍ରଥମ ସ୍ଥାନ ହାସଲ କରିବାରେ ସଫଳ ହୋଇଛି।
ଭାରତର ଏହି ବିଜୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁଭେଚ୍ଛା ଜଣାଇବା ସହ ପରବର୍ତ୍ତୀ ମ୍ୟାଚ ପାଇଁ ମଧ୍ୟ ଶୁଭକାମନା ଜଣାଇଛନ୍ତି। ଅପରପକ୍ଷରେ ସବୁଠି ବିଜୟ ଉତ୍ସବ ଦେଖିବାକୁ ମିଳୁଛି। ପାକିସ୍ତାନ ବିପକ୍ଷ ବିଜୟକୁ ନେଇ ସାରା ଦେଶଷର ବିଜୟ ଉତ୍ସବ ଚାଲିଥିବା ଖବର ମିଳିଛି। ଗାଁଠୁ ସହର ସବୁଠି କ୍ରିକେଟପ୍ରେମୀ ବିଜୟରେ ମସଗୁଲ ହୋଇ ଉଠିଛନ୍ତି। ବାଣଫୁଟାଇ ଓ ଜାତୀୟ ପତାକା ଉଡ଼ାଇ ସମସ୍ତେ ବିଜୟ ଉତ୍ସବ ପାଳିଥିବା ଦେଖିବାକୁ ମିଳିଛି।
