ନ୍ୟୁୟର୍କ : ବୋଲରଙ୍କ ଚମତ୍କାର ପ୍ରଦର୍ଶନ ବଳରେ ଚଳିତ ଟି-୨୦ ବିଶ୍ଵକପରେ ଚିର ପ୍ରତିଦ୍ଵନ୍ଦୀ ପାକିସ୍ତାନକୁ ଭାରତ ପରାସ୍ତ କରିଛି। କହିବାକୁ ଗଲେ ପାକିସ୍ତାନ ହାତରୁ ଭାରତ ମ୍ୟାଚ୍ ଛଡାଇ ନେଇଛି। ରବିବାର ଏହି ହାଇ ଭୋଲଟେଜ ଗ୍ରୃପ୍ ଏ ମ୍ୟାଚ୍ ରେ ୭ ଓ୍ବିକେଟ୍ ହାତରେ ଥାଇ ପାକିସ୍ତାନ ୬ ଓଭରରୁ ମାତ୍ର ୪୦ ରନ୍ ଆବଶ୍ୟକ କରୁଥିଲା। ହେଲେ ଭାରତୀୟ ପେସ୍ ବୋଲର ଘାତକ ବୋଲିଂ କରି ଏହି ୬ ଓଭରରୁ ମାତ୍ର ୩୩ ରନ୍ ଦେଇ ୪ ଓ୍ବିକେଟ୍ ନେଇ ଭାରତକୁ ୬ ରନରେ ଚମତ୍କାର ବିଜୟ ଦେଇଥିଲେ। ଏହି ବହୁ ପ୍ରତୀକ୍ଷିତ ମ୍ୟାଚରେ ପାକିସ୍ତାନୀ ଫାଷ୍ଟବୋଲର ଘାତକ ବୋଲିଂ କରି ମିଳିତ ଭାବେ ୯ ଓ୍ବିକେଟ୍ ନେବାରୁ ଭାରତ ୧୮.୫ ଓଭରରେ ୧୧୯ ରନରେ ଅଲଆଉଟ୍ ହୋଇଥିଲା। କ୍ରମାଗତ ଦୁଇଟି ବିଜୟ ପରେ ଭାରତ ସୁପର ୮ ଦ୍ଵାରରେ ପହଞ୍ଚିଛି। ଉଭୟ ମ୍ୟାଚ୍ ହାରିଥିବା ପାକିସ୍ତାନ ଏବେ ଚିନ୍ତାରେ ପଡିଛି।
Comments are closed.