ଅହମ୍ମଦାବାଦ୍: କ୍ରିକେଟ୍ ବିଶ୍ବକପ୍ରେ ଭାରତ ଓ ପାକିସ୍ତାନ ମଧ୍ୟରେ ଆଜି ମ୍ୟାଚ୍ ଖେଳାଯିବାର ଅଛି। ଏହି ମ୍ୟାଚ୍କୁ ବିସିସିଆଇ ଅଧିକ ଗୁରୁତ୍ବ ପ୍ରଦାନ କରୁଥିବାରୁ ବିଭିନ୍ନ ମହଲରୁ ସମାଲୋଚନାର ଶରବ୍ୟ ହୋଇଛି।
ଭାରତ ଓ ପାକିସ୍ତାନ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ ପୂର୍ବରୁ ସ୍ବତନ୍ତ୍ର ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ପାଇଁ ବିସିସିଆଇ ଯୋଜନା ରଖିଛି। ଗୋଟିଏ ପଟେ ଜମ୍ମୁ-କାଶ୍ମୀରରେ ପାକିସ୍ତାନ ଆତଙ୍କବାଦୀଙ୍କୁ ସହାୟତା ପ୍ରଦାନ କରୁଥିବା ବେଳେ ଅନ୍ୟ ପଟେ ଭାରତ-ପାକିସ୍ତାନ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ ନିମନ୍ତେ ବିସିସିଆଇ ତରଫରୁ ସ୍ବତନ୍ତ୍ର ଆୟୋଜନ କରାଯିବା କେତେ ଯୁକ୍ତିଯୁକ୍ତ ବୋଲି କ୍ରିକେଟ୍ ପ୍ରଶଂସକ ପ୍ରଶ୍ନ ଉଠାଇଛନ୍ତି।
ଭାରତ ଓ ପାକିସ୍ତାନ ମଧ୍ୟରେ ଖେଳାଯିବାକୁ ଥିବା ମ୍ୟାଚ୍ ପୂର୍ବରୁ ବଲିଉଡ୍ ଗାୟକ ଅରଜିତ ସିଂହ, ଶଙ୍କର ମହାଦେବନ ଓ ସୁଖବିନ୍ଦର ସିଂହ ଅହମ୍ମଦାବାଦ୍ର ନରେନ୍ଦ୍ର ମୋଦୀ ଷ୍ଟାଡିୟମରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିବେ। ଅନ୍ୟପକ୍ଷରେ ଭାରତକୁ ଆସିଥିବା ପାକିସ୍ତାନ କ୍ରିକେଟ୍ ଦଳକୁ ବିସିସିଆଇ ତରଫରୁ ସ୍ବତନ୍ତ୍ର ଆତିଥେୟତା ପ୍ରଦାନ କରାଯାଉଥିବାରୁ ଏହାକୁ ସାମାଜିକ ଗଣମାଧ୍ୟମରେ କେତେକ ବ୍ୟକ୍ତି ନାପସନ୍ଦ କରିଛନ୍ତି।
