ଭାରତର ବ୍ୟାଟିଂ ବିପର୍ଯ୍ୟୟ, ୩୦ ରନରେ ହରାଇଲାଣି ୩ ଉଇକେଟ

ସମାଜ ଡିଜିଟାଲ ଡେସ୍କ: ଚମ୍ପିଆନ୍ସ ଟ୍ରଫିର ରବିବାର ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ଟିମ ଇଣ୍ଡିଆ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଛି। ୮ ଓଭର ଖେଳ ସୁଦ୍ଧା ଭାରତ ୩୧ ରନରେ ୩ ଉଇକେଟ ହରାଇଛି। ନ୍ୟୁଜିଲାଣ୍ଡ ଟସ୍‌ ଜିତିବା ପରେ ବୋଲିଂ କରିବାକୁ ନିଷ୍ପତ୍ତି ନେବା ସହିତ ଭାରତକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ଦୁଇ ଓପନର ରୋହିତ ଶର୍ମା ଏବଂ ଶୁବମନ ଗିଲ ପଡ଼ିଆକୁ ଓହ୍ଲାଇଥିଲେ। ଦୁହିଁଙ୍କଠାରୁ ଦଳ ଭଲ ପାର୍ଟନରଶିପ ଆଶା କରୁଥିଲେ ହେଁ ଗିଲ ମାତ୍ର ୨ ରନ କରି ମ୍ୟାଟ ହେନରୀଙ୍କ ଶିକାର ହୋଇଥିଲେ। ଏହା ପରେ ପରେ ୬ ଓଭରରେ ରୋହିତ ଜାମିସନଙ୍କ ଦ୍ବାରା ଏବଂ ୭ମ ଓଭରରେ ବିରାଟ କୋହଲି ହେନରୀଙ୍କ ଦ୍ବାରା ଆଉଟ ହୋଇଥିଲେ। ହେନରୀ ୪ ଓଭର ବୋଲିଂ କରି ୨୪ ରନ ବିନିମୟରେ ୨ ଉଇକେଟ ଅକ୍ତିଆର କରିଛନ୍ତି। ଶ୍ରେୟସ ଆୟାର ଏବଂ ଅକ୍ଷର ପଟେଲ ଅପରାଜିତ ରହି ବ୍ୟାଟିଂ କରୁଛନ୍ତି। ଟିମ ଇଣ୍ଡିଆ ପ୍ରଥମ ୨ଟି ମ୍ୟାଚ ଜିତି ସେମିଫାଇନାଲରେ ପ୍ରବେଶ କରିସାରିଛି।