ପୁଡୁଚେରୀ – ପୁଡୁଚେରୀରେ ଏକ ବଡ ଅଘଟଣରୁ ଅଳ୍ପକେ ରକ୍ଷା ମିଳିଛି । ସିନେମା ହଲ୍ ଦର୍ଶକରେ ପୂର୍ଣ୍ଣ ଥିବା ବେଳେ ଏଥିରେ ନିଆଁ ଲାଗିଯାଇଥିଲା । ହେଲେ ସମସ୍ତେ ଅଳ୍ପକେ ଏଥିରୁ ବର୍ତ୍ତିଯାଇଛନ୍ତି ।
ପୁଡୁଚେରୀର ଏକ ହଲ୍ରେ ବିକ୍ରମ ନାମକ ସିନେମା ପ୍ରଦର୍ଶୀତ ହେଉଥିଲା । ଏତିକିବେଳେ ହଠାତ୍ ପରଦାର ଡାହାଣ ପଟ କୋଣ ଜଳି ଉଠିଥିଲା । ପ୍ରଥମେ ଦର୍ଶକମାନେ କିଛି ଜାଣି ପାରି ନଥିଲେ । ସେମାନେ ଏହା ସିନେମାର କୌଣସି ସ୍ପେଶାଲ୍ ଏଫେକ୍ଟ ହୋଇଥାଇ ପାରେ ବୋଲି ଭାବିଥିଲେ।
ମାତ୍ର ପରଦାଟି ହୁହୁ ହୋଇ ଜଳି ଉଠିଥିଲା । ଦର୍ଶକମାନେ ନିଆଁ ଲାଗିଛି ବୋଲି ଜାଣିବା ପରେ ପ୍ରାଣ ବିକଳରେ ବାହାରକୁ ବାହାରିଯାଇଥିଲେ । ଏଥିରେ କୌଣସି ଦର୍ଶକ ଆହତ ହୋଇ ନାହାନ୍ତି । ପରଦାଟି ସମ୍ପୂର୍ଣ୍ଣ ଭାବେ ଜଳିଯାଇଥିବା ଜଣା ପଡିଛି । ଏହାପରେ ସେହି ସିନେମା ହଲ୍ରେ ଚଳଚ୍ଚିତ୍ର ପ୍ରଦର୍ଶନ ବନ୍ଦ ରଖାଯାଇଛି । କେଉଁ କାରଣରୁ ପରଦାରେ ନିଆଁ ଲାଗିଥିଲା ତାହାର ଯାଞ୍ଚ କରାଯାଉଛି ।
Comments are closed.