ହାଇଦ୍ରାବାଦର ପ୍ରାଣୀ ଚିକିତ୍ସିକା ‘ଦିଶା’ଙ୍କୁ ଗଣବଳାତ୍କାର ଓ ହତ୍ୟା କରିଥିବା ୪ ଅଭିଯୁକ୍ତଙ୍କୁ ପୁଲିସ ଏନକାଉଣ୍ଟର କରିଛି। ସ୍ଥାନୀୟଲୋକେ ଏନକାଉଣ୍ଟର କରିଥିବା ପୁଲିସଙ୍କ ଉପରେ ଫୁଲ ବର୍ଷା କରି ପ୍ରଶଂସା କରିଥିବା ବେଳେ ମହିଳାମାନେ ରାକ୍ଷୀ ଉତ୍ସବ ପାଳନ କରିଛନ୍ତି। ଏହାକୁ ନେତା, ଅଭିନେତା ସମର୍ଥନ ଜଣାଇ ଥିବା ବେଳେ ଜଣେ ଅଭିନେତ୍ରୀ ସମାଲୋଚନା କରିଛନ୍ତି। ତେବେ ଆସନ୍ତୁ ଜାଣିବା କେଉଁ ଅଭିନେତା ଓ ଅଭିନେତ୍ରୀ କ’ଣ ପ୍ରତିକ୍ରିୟା ଦେଇଛନ୍ତି।
ଫିଲ୍ମ ପ୍ରଯୋଜକ ଅଶୋକ ପଣ୍ଡିତ କହିଛନ୍ତି ଯେ, ତେଲେଙ୍ଗାନା ପୁଲିସ ଉପରେ ପ୍ରଶ୍ନ ଉଠାଇବା ଠିକ୍ ନୁହେଁ। ଏଥିପାଇଁ ପୁଲିସ ଅଧିକାରୀଙ୍କୁ ସମ୍ମାନିତ କରାଯିବ ଉଚିତ୍।
ଋିଷି କପୁର ଟୁଇଟ୍ କରି କହିଛନ୍ତି ଯେ, ‘ସାହସୀ ତେଲେଙ୍ଗାନା ପୁଲିସକୁ ମୋର ବଧାଇ’।
Bravo Telangana Police. My congratulations!
— Rishi Kapoor (@chintskap) December 6, 2019
ଅଭିନେତା ଅନୁପମ ଖେର ପ୍ରତିକ୍ରିୟାରେ କହିଛନ୍ତି ଯେ, ‘ବଧାଇ ଓ ଜୟ ହୋ’। ଏଭଳି ନୃଶଂସ କାଣ୍ଡ ଘଟାଉଥିବା ଅପରାଧିଙ୍କ ବିରୋଧରେ ଭୟଙ୍କର ଦଣ୍ଡା ହେବା ଉଚିତ୍। ଜୟ ହୋ।
ଅଭିନେତ୍ରୀ ରକୁଲ ପ୍ରୀତ ଟୁଇଟ୍ କରିଛନ୍ତି ଯେ, ବଳାତ୍କାର ଓ ହତ୍ୟା ଭଳି ଜଘନ୍ୟ କାଣ୍ଡ ଘଟାଇ କେତେ ଦୂର ଖସି ପଳାଇବେ। ତେଲେଙ୍ଗାନା ପୁଲିସକୁ ଶୁଭେଚ୍ଛା।
ଅଭିନେତ୍ରୀ ସ୍ବରା ଭାସ୍କର ସମ୍ବାଦିକା ଫାୟେ ଡିସୁଜାଙ୍କ ଟୁଇଟ୍ ବିନା କୌଣସି କମେଣ୍ଟ କରି ତାକୁ ରି-ଟୁଇଟ୍ କରିଛନ୍ତି। ସମ୍ବାଦିକା ଫାୟେ ଲେଖିଥିଲେ ଯେ, ଏହା ନ୍ୟାୟା ନୁହେଁ। ପୁଲିସ ଆଇନକୁ ହାତକୁ ନେଇଛି। ଏହା ଅତି ଭୟଙ୍କର। ଏହା ଦ୍ବାରା ନ୍ୟାୟିକ ପ୍ରକ୍ରିୟାର ଅର୍ଥ କ’ଣ ରହିଲା?
This is not justice. This is the police breaking the law . It’s dangerous. The legal system exists for a reason. https://t.co/5aoSRTLt2I
— Faye DSouza (@fayedsouza) December 6, 2019
