ଘରକୁ କରିଦେଲେ ଟ୍ରେନ୍ ! ଭିଡିଓ ଦେଖି ତାଜୁବ ହେଲେ ଲୋକେ

ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଭିନ୍ନ ଭିନ୍ନ ଭିଡିଓ ଭାଇରାଲ ହୋଇଥାଏ । ଏଥିରୁ କିଛି ଭିଡିଓ ଶିକ୍ଷଣୀୟ ହୋଇଥାଏ, ଆଉ କିଛି ଭିଡିଓ ଲୋକଙ୍କୁ ହସର ଖୋରାକ ଯୋଗାଇଥାଏ । ଆଉ କିଛି ଭିଡିଓରେ ଦେଶର କୋଣ ଅନୁକୋଣରେ ଲୁଚି ରହିଥିବା ପ୍ରତିଭା ସାମ୍ନାକୁ ଆସିଥାଏ । ଏବେ ଏମିତି ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଏକ ଘର ଟ୍ରେନ୍ ଭଳି ନଜର ଆସୁଛି ।

ଜଣେ ବ୍ୟକ୍ତି ନିଜ ଘର କାନ୍ଥକୁ ଟ୍ରନ୍ ଡବା ଭଳି ନିର୍ମାଣ କରିଛନ୍ତି । ଯେଉଁଭଳି ଟ୍ରେନ ବଗିର ଝରକା ନଜର ଆସେ ଠିକ୍ ସେହଭଳି ଘର ବାହାର କାନ୍ଥରେ ଝରକା ନିର୍ମାଣ ହୋଇଛି । ଏପରିକି ଏକ କୋଠରୀକୁ ଟ୍ରେନ୍ ଇଞ୍ଜିନ୍ ଭଳି ମଧ୍ୟ ପ୍ରସ୍ତୁତ କରାଯାଇଛି । ଏହି ଭିଡିଓ ଦେଖି ସମସ୍ତେ ଆଶ୍ଚର୍ଯ୍ୟ ହେଉଛନ୍ତି ।

A compound wall of a house at Kozhikode District, Kerala! 🚞🚃 #IndianRailways #house pic.twitter.com/Ch1inUD7ju

— Ananth Rupanagudi (@Ananth_IRAS) August 12, 2024

‘ଏକ୍ସ’ରେ ଏହି ଭିଡିଓ ଭାଇରାଲ ହେଉଛି । ଭିଡିଓକୁ ଏପର୍ଯ୍ୟନ୍ତ ୨ ଲକ୍ଷରୁ ଅଧିକ ଲୋକ ଦେଖିସାରିଲେଣି ଏବଂ ୩ ହଜାରରୁ ଅଧିକ ଲାଇକ୍ ଭିଡିଓକୁ ମିଳିସାରିଛି । ଲୋକମାନେ ଏଥିରେ ଭିନ୍ନ ଭିନ୍ନ ପ୍ରତିକ୍ରିୟା ରଖୁଛନ୍ତି ।