ମଙ୍ଗଳବାର ରାଶିଫଳ (୨୩/୦୮/୨୦୨୨) ଧର୍ମ ଅଧ୍ୟାତ୍ମନିଉଜ ଆଲର୍ଟରାଶିଫଳ By samajalive Last updated Aug 23, 2022 Share ମେଷ : ସତ୍ ପରାୟଣ ହୋଇପାରନ୍ତି। କର୍ମକ୍ଷେତ୍ରରେ କର୍ମଚଞ୍ଚଳ ହୋଇପାରନ୍ତି। ଶ୍ରମ ବଳରେ ଆର୍ଥିକ ସ୍ଥିତିକୁ ଦୃଢ଼ କରିପାରନ୍ତି। ସରକାରୀ କୃପା ଲାଭ କରିବେ। ଅର୍ଥାଗମ ହେବାର ସମ୍ଭାବନା ଅଛି। ବୃଷ : ଚଞ୍ଚଳମନା ହେବେ। ଚଞ୍ଚଳ ମନର ନିଗ୍ରହ କଠିନ; କିନ୍ତୁ ଅସମ୍ଭବ ନୁହେଁ। ବିଭିନ୍ନ ସୂତ୍ରରୁ ଧନାଗମର ସୂଚନା ମିଳୁଛି। ପ୍ରତ୍ୟୁତ୍ପନ୍ନମତି ସମ୍ପନ୍ନ ହେବେ। ଦାମ୍ପତ୍ୟ ଜୀବନ ସରସ ସୁନ୍ଦର ହେବ। ମିଥୁନ : ଆୟ ବୃଦ୍ଧି ପାଇଁ ମାର୍ଗ ଉନ୍ମୁକ୍ତ ରହିଛି। ନୂତନ ଓ ପୁରାତନ ବନ୍ଧୁଙ୍କ ସାନ୍ନିଧ୍ୟ ମିଳିବ। ମିଷ୍ଟାନ୍ନ ଦ୍ରବ୍ୟ ଖାଇ, ଖୁଆଇ ଆନନ୍ଦ ଅନୁଭବ କରିପାରନ୍ତି। ଶ୍ରୀଚନ୍ଦ୍ର ଭୋଗ ହେତୁ ଦେବ ପୂଜା ନିରତ ହେବେ। କର୍କଟ : ସାଧନାରେ ସିଦ୍ଧି ପ୍ରାପ୍ତ ପାଇଁ ନଗାଧିରାଜ ହିମାଳୟର ଆମନ୍ତ୍ରଣ ଗ୍ରହଣ କରିବାକୁ ପଡ଼ିବ। ମଧୁର କଥାରେ ପଡ଼ୋଶୀଙ୍କ ପ୍ରିୟପାତ୍ର ହେବେ। ପରିବାରର ସ୍ବାସ୍ଥ୍ୟ ରକ୍ଷା ପାଇଁ ଖର୍ଚ୍ଚାନ୍ତ ହେବେ। କର୍ମଚଞ୍ଚଳ ରହିବେ। ସିଂହ : ସ୍ବକୀୟ ମୂଲ୍ୟବୋଧ ସିଦ୍ଧାନ୍ତକୁ ନେଇ ଆଗକୁ ବଢ଼ିପାରନ୍ତି। ଜ୍ଞାନଯୋଗୀ ଓ ଧର୍ମାନୁରାଗୀ ହୋଇପାରନ୍ତି। ପରୋପକାରକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। ସମ୍ମାନ ଓ ଅନୁଦାନ ମିଳିବ। କନ୍ୟା : ଦୟା ଧର୍ମରେ ଦୀକ୍ଷିତ ହୋଇପାରନ୍ତି। ସମାଜସେବାରେ ଜୀବନ ସମର୍ପିତ ହୋଇପାରେ। ପ୍ରଥିତଯଶା ଯୁକ୍ତ ହେବେ। ନିଜ ଜ୍ଞାନଗରିମା ବଳରେ ବଂଶ ମର୍ଯ୍ୟାଦା ରକ୍ଷା କରିବାରେ ସଫଳ ହେବେ। Related Posts ହରିପୁର ଜଙ୍ଗଲ ନିକଟରୁ ହରିଣ ଛୁଆ ଉଦ୍ଧାର Jul 27, 2024 ଓଡିଶାର ପାରମ୍ପରିକ ହସ୍ତତନ୍ତର ପ୍ରଚାର… Jul 26, 2024 ତୁଳା : ଚରିତ୍ରବାନ୍ ବ୍ୟକ୍ତିଭାବେ ପ୍ରାପ୍ତ କ୍ଷମତାର ସଦ୍ ବ୍ୟବହାର କରିପାରନ୍ତି। ପିଲାଙ୍କୁ ପ୍ରତିଯୋଗୀ ନ କରାଇ ପ୍ରଗତିଶୀଳ କରାଇ ପାରନ୍ତି। ବିବାଦୀୟ ଘଟଣାରେ ଆପୋଷ ସମାଧାନ ଉପରେ ଗୁରୁତ୍ବ ଦେବେ। ବିଛା : କର୍ମନିଷ୍ଠ ରହି ଶ୍ରମ ସ୍ବୀକାର କରିବାରେ ମହଦ୍କାଂକ୍ଷୀ ହେବେ। ଯଦିଓ ବ୍ୟବସାୟ ଲାଭାନ୍ବିତ ହେବ; ତଥାପି ବିରୋଧୀଙ୍କ ପ୍ରତି ସତର୍କ ଦୃଷ୍ଟି ରଖିବାକୁ ପଡ଼ିବ। ଯାନବାହନ ଚାଳନାରେ ସାବଧାନ ହେବେ। ଧନୁ : ସେବା ଭାବନାରେ ପରମ କଲ୍ୟାଣୀୟ ମାର୍ଗକୁ ବାଛିନେଇ ପାରନ୍ତି। ଆଜି ଦିନ ଭିତରେ ଯେଉଁ ଘଟଣା ଘଟିବ ତାହା ସୁସଂଘଟିତ ହେବ। ପତ୍ନୀଙ୍କ ଅଭିଳାଷ ପୂର୍ଣ୍ଣ କରିବାରେ ଚେଷ୍ଟିତ ହେବେ। ମକର : ବଦଖର୍ଚ୍ଚରୁ ଓହରି ଆସି ସେହି ଧନରେ ଋଣ ପରିଶୋଧ କରିବେ। ଶତ୍ରୁର ଆକ୍ରମଣକୁ ପ୍ରତିହତ କରିବାରେ ପାରଙ୍ଗମ ହେବେ। ପରୋପକାର କଲେ କୃପା ନିଧାନଙ୍କ କୃପାପାତ୍ର ହେବେ। କୁମ୍ଭ : ଆତ୍ମଶକ୍ତିକୁ ଜାଗତ୍ର କରି, ତା’ ଉପରେ ବିଶ୍ବାସ ରଖିପାରନ୍ତି। ଲେଖାଇ ଭାଷାକୁ ନମନୀୟ, କମନୀୟ ଓ ଗାଉଁଲି ବ୍ୟାବହାରିକ ଭାଷାର ମାନ୍ୟତା ଦେଇପାରନ୍ତି। ପୁରାତନ ଶବ୍ଦ ଭଣ୍ଡାରର ମଞ୍ଜୁଷା ଖୋଲିପାରନ୍ତି। ମୀନ : ଶ୍ରମଜୀବୀଙ୍କ ସ୍ବାର୍ଥ ପାଇଁ ଉତ୍ସର୍ଗୀକୃତ ମନୋଭାବ ଗ୍ରହଣ କରିପାରନ୍ତି। ଆଧ୍ୟାତ୍ମିକ ପଥର ପଥିକ ହୋଇପାରନ୍ତି। ଉଦାର ସ୍ବଭାବସମ୍ପନ୍ନ ହେବେ। ଭାଇମାନଙ୍କ ମଧ୍ୟରେ ଶୀର୍ଷ ଗାଦିନସୀନ ହୋଇପାରନ୍ତି। Share FacebookTwitterWhatsApp
Comments are closed.