ମେଷ : କର୍ମଚଞ୍ଚଳ ରହିବେ। ରାଜଯୋଗ ଅଛି। ସଶକ୍ତ ଆତ୍ମବଳରେ ବଳୀୟାନ ହେବେ। ସକାରାତ୍ମକ ବିଚାର ଘୋଷଣା କରିପାରନ୍ତି। ସାଧନାରେ ସିଦ୍ଧିପ୍ରାପ୍ତ ହେବେ। ସାହସୀ ଓ ଜ୍ଞାନୀ ହେବେ।
ବୃଷ : ସୁସ୍ଥ ଓ ନିରାମୟ ରହିବେ। ଯଶସ୍ବୀ ହେବେ। ଲୋକପ୍ରିୟତା ଅର୍ଜନ କରିବେ। ଅଧ୍ୟବସାୟ ଓ ଉଦ୍ୟମ ବଳରେ ଅସାଧ୍ୟ ସାଧନ କରିପାରନ୍ତି। ସରକାରୀ ସ୍ତରରେ ସମ୍ମାନିତ ହେବା ସହିତ ଧନ ପ୍ରାପ୍ତ ହେବେ।
ମିଥୁନ : ମନରେ ଧ୍ୟାନର ଦୀପ ପ୍ରଜ୍ବଳନ କରି କର୍ମକ୍ଷେତ୍ରକୁ ଉଳମୟ କରିପାରନ୍ତି। ମନ ପ୍ରସନ୍ନ ରହିବ। ସୁସ୍ଥ ଓ ନିରାମୟ ରହିବେ। ଦୟାର୍ଦ୍ରଚିତ୍ତ ହୋଇପାରନ୍ତି। ବ୍ୟବସାୟ ଲାଭଜନକ ହେବ।
କର୍କଟ : ଭାଗ୍ୟଚକ୍ର ଆପଣଙ୍କୁ ସ୍ବଚ୍ଛ ମାର୍ଗ ପ୍ରଦର୍ଶନ କରିବ। ଆଜି ଦିନଟି ସୁଖ-ସମୃଦ୍ଧିପୂର୍ଣ୍ଣ ହେବ। ଧର୍ମାତ୍ମା, ବିଦ୍ବାନ୍, ସାହସୀ ଓ ସମ୍ପତ୍ତିବାନ୍ ହେବେ। ପତ୍ନୀଙ୍କ ଅଭୀଷ୍ଟ ସିଦ୍ଧି ପାଇଁ ଯତ୍ନଶୀଳ ହେବେ।
ସିଂହ : ନିର୍ଭରଶୀଳ ନ ହୋଇ ସ୍ବାଭିମାନର ସହ ଚଳିବେ। ଯୁଗ୍ମ ବ୍ୟବସାୟରୁ କିଛି ଲାଭ ପ୍ରାପ୍ତିର ସୂଚନା ମିଳୁଛି। ଧୈର୍ଯ୍ୟ ଓ ସାହସର ସହିତ ଆଶୁ ବିପଦର ମୁକାବିଲା କରିପାରନ୍ତି। ମିତ୍ରଙ୍କଠାରୁ ସାହାଯ୍ୟ ମିଳିବା ବୃଥା ହୋଇପାରେ।
କନ୍ୟା : ପବିତ୍ର ଭାବନା ନେଇ ସେବା କ୍ଷେତ୍ରରେ ନିଜକୁ ସାମିଲ କରିପାରନ୍ତି। ଶାନ୍ତ ଓ ଧୈର୍ଯ୍ୟବାନ୍ ହେବେ। ମନରେ ଉପୁଜିଥିବା ଅହଂଭାବକୁ ବିସର୍ଜନ କରିପାରନ୍ତି। ବ୍ୟବସାୟରୁ ଲାଭ ମିଳିବ।
ତୁଳା : ଶତ୍ରୁତାର ଅବସାନ ଘଟାଇ ପରମ ଶାନ୍ତି ପ୍ରାପ୍ତି ହେବେ। ଚାକିରି କ୍ଷେତ୍ରରେ ଉଚ୍ଚ କର୍ତ୍ତୃପକ୍ଷଙ୍କ ଦ୍ବାରା ପ୍ରଶଂସିତ ହେବେ। ସୁସ୍ଥ ଓ ନିରାମୟ ରହିବେ। ବ୍ୟକ୍ତି ସ୍ବାର୍ଥକୁ ଜଳାଞ୍ଜଳି ଦେଇ ସମୂହ ସ୍ବାର୍ଥକୁ ଗୁରୁତ୍ବ ଦେବେ।
ବିଛା : କର୍ମଚଞ୍ଚଳ ରହିବେ। ଆକସ୍ମିକ ଧନଲାଭର ସୂଚନା ମିଳୁଛି। ଆର୍ଥିକ ସ୍ରୋତ ବ୍ୟବସାୟାଦି ବିଭିନ୍ନ ଦିଗରୁ ପ୍ରବାହିତ ହେବ। ଧାର୍ମିକ, ତେଜସ୍ବୀ ଓ ଉତ୍ତମ ବ୍ୟକ୍ତିତ୍ବ ସମ୍ପନ୍ନ ହେବେ।
ଧନୁ : ଉଦାରତା ଭାବ ଆପଣଙ୍କୁ ମହାନ୍ କରିପାରେ। ଦାନ-ଧର୍ମରେ ଦୀକ୍ଷିତ ହୋଇପାରନ୍ତି। ଶୋଭନ ବ୍ୟକ୍ତିତ୍ବ ସମ୍ପନ୍ନ ହେବେ। ଭାଇମାନଙ୍କ ମଧ୍ୟରେ ଶ୍ରେଷ୍ଠ ହେବେ। ସମାଜରେ ଯଶ, କୀର୍ତ୍ତି ସ୍ଥାପନ କରିବେ।
ମକର : ମନ ପ୍ରସନ୍ନ ରହିବ। ଈପ୍ସିତ ଆସନ ପ୍ରାପ୍ତିର ସୁଯୋଗ ଅଛି। ଐଶୀ ଶକ୍ତି ସମ୍ପନ୍ନ ହୋଇପାରନ୍ତି। ଭାଷା ଓ ବ୍ୟବହାରର ମାଧୁରିମା ଦ୍ବାରା ଲୋକସମ୍ପର୍କ ବୃଦ୍ଧି ହୋଇପାରେ। ପ୍ରେମୀ ଓ ସାହସୀ ହୋଇପାରନ୍ତି।
କୁମ୍ଭ : ଦୟାଳୁ ଓ ସମ୍ୟକ୍ ତତ୍ତ୍ବଦର୍ଶୀ ହୋଇପାରନ୍ତି। ଆଦର୍ଶ ବ୍ୟକ୍ତିତ୍ବସମ୍ପନ୍ନ ହେବେ। କୃଚ୍ଛ୍ର ସାଧନାରେ ଦ୍ରବ୍ୟଶକ୍ତି ସମ୍ପନ୍ନ ହେବେ। ବିଭିନ୍ନ ସ୍ତରରୁ ଅର୍ଥାଗମ ହେବ। ସଂକଳ୍ପ ଓ ସମର୍ପଣ ଭାବ ଯୋଗଁୁ ଶୀର୍ଷ ସ୍ଥାନ ମିଳିବ।
ମୀନ : ଐଶ୍ବର୍ଯ୍ୟ ପ୍ରାପ୍ତିର ସୂଚନା ମିଳୁଛି। ଧୀଶକ୍ତି ସମ୍ପନ୍ନ ହୋଇପାରନ୍ତି। ଆୟ ଆଶାନୁରୂପ ହେବ। ମାଲିମୋକଦ୍ଦମା ବିଚାରର ଫଳାଫଳ ସପକ୍ଷରେ ଯିବ। ଖାଦ୍ୟ ରୁଚିପୂର୍ଣ୍ଣ ହେବ। ସୁସ୍ଥ ଓ ନିରାମୟ ରହିବେ।
Comments are closed.