ମଙ୍ଗଳବାର ରାଶିଫଳ (୧୫/୦୨/୨୦୨୨)

ମେଷ : ସୌଖୀନ୍‌ ଦ୍ରବ୍ୟ କିଣିବାରେ ଆଗ୍ରହୀ ହେବେ। ଆଲୋଚନା ମାଧ୍ୟମରେ କାର୍ଯ୍ୟ କଲେ ସଫଳତା ମିଳିବ। ନୂତନ ଦାୟିତ୍ବ ବହନ କରିବାର ସମ୍ଭାବନା ଅଛି। ପଢ଼ାପଢ଼ିରେ ଅଗ୍ରଗତି କରିବେ।

ବୃଷ : ଶତ୍ରୁ ଆପଣାଛାଏଁ ଅପସରି ଯିବ। ସୁସ୍ଥ ରହିବେ। ବ୍ୟବସାୟ ଲାଭଜନକ ହେବ। ପ୍ରତ୍ୟେକ କାର୍ଯ୍ୟରେ ସଫଳ ହେବେ। ଆୟ ଆଶାନୁରୂପ ହେବ। ଚାକିରି କ୍ଷେତ୍ରରେ ସୁନାମ ମିଳିବ।

ମିଥୁନ : ସମ୍ମାନିତ ହେବେ। ବ୍ୟବସାୟ ଲାଭରେ ଚାଲିବ। ଚାକିରି କ୍ଷେତ୍ରରେ ପ୍ରଶଂସା ମିଳିବ। ଦୂରଦ୍ରଷ୍ଟା ହୋଇପାରନ୍ତି। ସ୍ଥିତପ୍ରଜ୍ଞ ହୋଇପାରନ୍ତି। ଲେଖାପଢ଼ାରେ କୃତିତ୍ବ ଅର୍ଜନ କରିବେ।

କର୍କଟ : ରୋଜଗାର ଆଶାନୁରୂପ ହେବ। ବ୍ୟବସାୟ ଲାଭଜନକ ହେବ। ବିଭିନ୍ନ ସ୍ତରରେ ସମ୍ମାନିତ ହେବେ। ପ୍ରୀତିଭୋଜନରେ ଆପ୍ୟାୟିତ ହେବେ। ସୁସ୍ଥ ଓ ନିରାମୟ ରହିବେ। ପଢ଼ାପଢ଼ିରେ ଅଗ୍ରଗତି ଘଟିବ।

ସିଂହ : ଜମିଜମା ବାବଦରେ ଶତ୍ରୁଙ୍କ ସହିତ ମୁହାଁମୁହିଁ ହୋଇପାରନ୍ତି। ବହୁ ବ୍ୟୟର ସମ୍ମୁଖୀନ ହେବେ। ଉତ୍ତମ ଭାଷା ଓ ବ୍ୟବହାର ଯୋଗୁଁ ବିଭିନ୍ନ ସ୍ତରରୁ ସହାୟତା ମିଳିବ। କର୍ମଚଞ୍ଚଳ ରହିବେ।

କନ୍ୟା : ଦୁଷ୍ଟ ଲୋକମାନେ ଆପଣଙ୍କ ବଶତା ସ୍ବୀକାର କରିବେ। କର୍ମଚଞ୍ଚଳ ରହିବେ। ବିଭିନ୍ନ ସ୍ତରରୁ ଅର୍ଥ ପ୍ରାପ୍ତିର ସୂଚନା ମିଳୁଛି। ପ୍ରତି କାର୍ଯ୍ୟରେ ସଫଳତା ମିଳିବ। ପଢ଼ାରେ କୃତକାର୍ଯ୍ୟ ହେବେ।

 ତୁଳା : ଆର୍ଥିକ ସ୍ଥିତରେ ଉନ୍ନତି ଘଟିବ। ସରକାରୀ ଅର୍ଥ ମିଳିପାରେ। ସମ୍ମାନିତ ହେବେ। ଚାକିରି କ୍ଷେତ୍ରରେ ପଦ-ମର୍ଯ୍ୟାଦା ବୃଦ୍ଧି ପାଇବ। ବ୍ୟବସାୟ ଲାଭରେ ଚାଲିବ। ମନପ୍ରସନ୍ନ ରହିବ। ପଢ଼ାରେ ଫଳ ଶୁଭ ମିଳିବ।

ବିଛା : କର୍ତ୍ତବ୍ୟ ପରାୟଣ ହେବେ। ଭାଗ୍ୟୋନ୍ନତି ଘଟିପାରେ। ଅତ୍ୟଧିକ ପରିଶ୍ରମର ସମ୍ମୁଖୀନ ହେଲେ ବି ତା’ର ମୂଲ୍ୟ ମିଳିବ। ବିଭିନ୍ନ ସ୍ତରରୁ ଆସୁଥିବା ଚାପକୁ ନିଜ ଗୁଣରେ ସମ୍ଭାଳି ନେଇପାରନ୍ତି।

ଧନୁ : ଆଳସ୍ୟ ଅନୁଭବ କରିପାରନ୍ତି। କାର୍ଯ୍ୟରେ ବାଧାବିଘ୍ନ ସୃଷ୍ଟି ହେବାର ସମ୍ଭାବନା ଅଛି। ବ୍ୟବସାୟରେ ଲାଭ, କ୍ଷତି ସମାନ୍ତରାଳ ଗତିକରିବ। ଉଦ୍‌ଯୋଗୀ ହେବେ। ସତ୍ୟନିଷ୍ଠ ହେବେ। ପଢ଼ାପଢ଼ି ଶୁଭଦାୟକ ହେବ।

ମକର : ବାଣିଜ୍ୟ କାରବାରରେ ଉନ୍ନତି ଘଟିବ। ପରୋପକାରୀ ହେବେ। ସତ୍‌ସଙ୍ଗରେ ମନ ବଳାଇ ପାରନ୍ତି। ପତ୍ନୀଙ୍କ ଇଙ୍ଗିତରେ ପରିଚାଳିତ ହେବେ। ଚାକିରିରେ ସ୍ଥିତି ସୁଦୃଢ଼ ହେବ। ସୁସ୍ଥ ରହିବେ।

କୁମ୍ଭ : ସୁସମ୍ବାଦ ପାଇ ଖୁସି ହୋଇପାରନ୍ତି। ଶତ୍ରୁତାର ଅବସାନ ଘଟାଇ ପରମ ଶାନ୍ତି ଲାଭ କରିବେ। ଭାବ ଆଦାନ-ପ୍ରଦାନରେ ବିନୟଭାବ ପ୍ରଦର୍ଶନ କରିବେ। ନୀତିନିଷ୍ଠ ହେବେ। ଭ୍ରାତୃଭାବ ଅତୁଟ ରହିବ।

ମୀନ : ରୋଜଗାର କ୍ଷମ ହୋଇ ଆର୍ଥିକ ସ୍ଥିତିକୁ ଦୃଢ଼ କରିପାରନ୍ତି। ଅଧ୍ୟୟନରତ ହେବେ। ସନ୍ତାନ, ସନ୍ତତି ଲାଭର ସୂଚନା ମିଳୁଛି। ସଂଗ୍ରାମୀ ହେବେ। ଯାତ୍ରା ଶୁଭପ୍ରଦ ହେବ। ସମ୍ମାନିତ ହେବେ। ପଢ଼ାରେ ପାରଙ୍ଗମ ହେବେ।