ସୋମବାର ରାଶିଫଳ (୧୦.୦୭.୨୦୨୩)

ମେଷ : ରାଜଯୋଗ ଅଛି। ଉଚ୍ଚାସନରେ ଆସୀନ ହୋଇପାରନ୍ତି। ଶାଶ୍ବତ ଶାନ୍ତିର ସନ୍ଧାନ ପାଇବେ। ଧର୍ମ କାର୍ଯ୍ୟରେ ଧନ ବ୍ୟୟ କରିପାରନ୍ତି। ଏକାନ୍ତ ସାଧନାରେ ସିଦ୍ଧି ପ୍ରାପ୍ତ ହେବେ। ସାହସୀ ଓ ଜ୍ଞାନୀ ହେବେ।

ବୃଷ : ସଂକଳ୍ପବାନ୍‌ ବ୍ୟକ୍ତିତ୍ବସମ୍ପନ୍ନ ହେବେ। କର୍ମଚଞ୍ଚଳ ରହିବେ। ଜନସାଧାରଣଙ୍କ ପ୍ରିୟପାତ୍ର ହେବେ। ଆୟୁଷ୍ମାନ୍‌ ହେବେ। ଆତ୍ମଶକ୍ତି ଉପରେ ବିଶ୍ବାସ ରହିବ। ସମ୍ମାନିତ ହେବା ସହ ଆର୍ଥିକ ସ୍ଥିତି ଦୃଢ଼ ହେବ।

ମିଥୁନ : ଆତ୍ମବିଶ୍ବାସ ଓ ଅବିରତ ଅଧ୍ୟବସାୟ ଆପଣଙ୍କୁ ମହାନ୍‌ କରି ଗଢ଼ି ତୋଳିବ। ଜ୍ଞାନର ପ୍ରଦୀପ ଜଳାଇ ଚଲାପଥକୁ ଆଲୋକିତ କରିପାରନ୍ତି। କର୍ମତତ୍ପର ହେବେ। ଦୟାର୍ଦ୍ରଚିତ୍ତ ହୋଇପାରନ୍ତି।

କର୍କଟ : ଭକ୍ତି ରୂପକ ଅମୂଲ୍ୟ ରତ୍ନକୁ ପାଥେୟ କରି ଅନୁଗାମୀମାନଙ୍କ ପଥପ୍ରଦର୍ଶକ ହୁଅନ୍ତୁ। ସ୍ବକର୍ମ ବଳରେ ନିଜର ଭାଗ୍ୟନିୟନ୍ତା ନିଜେ ହେବେ। ଦିନଟି ସୁଖସମୃଦ୍ଧିପୂର୍ଣ୍ଣ ହେବ। ବିଦ୍ବାନ୍‌ ଓ ସାହସୀ ହେବେ।

ସିଂହ : ଧୈର୍ଯ୍ୟ ଓ ସାହସର ସହିତ ଆଶୁ ବିପଦର ସମ୍ମୁଖୀନ ହୋଇପାରନ୍ତି। ସ୍ବାଭିମାନୀ ହେବେ। ଯୁଗ୍ମ ବ୍ୟବସାୟ ଲାଭଦାୟକ ହେବ। ମାୟାର ଚାରି ସେନାପତି କାମ, କ୍ରୋଧ, ଲୋଭ ଓ ମୋହକୁ ପରିତ୍ୟାଗ କରିବେ।

କନ୍ୟା : ପବିତ୍ର ଚିନ୍ତାଧାରା ନେଇ ସେବା କ୍ଷେତ୍ରରେ ଅବତୀର୍ଣ୍ଣ ହୋଇପାରନ୍ତି। ବିଭୁଦତ୍ତ ପ୍ରତିଭାସମ୍ପନ୍ନ ହେବେ। ବ୍ୟବହାରରେ ଶାଳୀନତା ଆପଣଙ୍କୁ ମହାନ୍‌ କରି ଗଢ଼ିତୋଳିବ। ପତ୍ନୀଙ୍କ ପରାମର୍ଶ ଉପାଦେୟ ହେବ।

ତୁଳା : ଭ୍ରାତୃପ୍ରେମରେ ନିଜକୁ ହଜାଇ ଦେଇପାରନ୍ତି। ଆୟୁଷ୍ମାନ୍‌ ହେବେ। କ୍ରୋଧର ସ୍ଫୁଲିଙ୍ଗରେ ଶତ୍ରୁ ବିନାଶ କରିପାରନ୍ତି। ଜ୍ଞାନର ଅବତରଣ କରି ଶାନ୍ତି ଲାଭ କରିବେ। ଲୋକଙ୍କ ସେବା ଆପଣଙ୍କୁ ମହାନ୍‌ କରିବ।

ବିଛା : ଆକସ୍ମିକ ଧନଲାଭର ସୂଚନା ମିଳୁଛି। ଦୈବୀ ଶକ୍ତିସମ୍ପନ୍ନ କନ୍ୟା ରତ୍ନ ପାଇଁ ଗର୍ବିତ ହେବେ। ବାଣିଜ୍ୟ କାରବାର ଉଚ୍ଚକୋଟିର ହେବ। ଧାର୍ମିକ ଓ ତେଜସ୍ବୀ ହେବେ। ସତ୍‌ ପରାୟଣ ହୋଇପାରନ୍ତି।

ଧନୁ : ଉଦାର ଚେତା, ଉଦାର ଚରିତ ଓ ଉଦାର ସ୍ବଭାବସମ୍ପନ୍ନ ହେବେ। ସନ୍ମାର୍ଗୀ ହୋଇ ନିଜର ଉତ୍ତର ଦାୟିତ୍ବ ନିର୍ବାହ କରିବେ। ସଜ୍ଜନତା ଓ ବିବେକଶୀଳତା ଆପଣଙ୍କୁ ମହାନ୍‌ କରିବ। ଦାନଧର୍ମ କରିପାରନ୍ତି।

ମକର : ଆତ୍ମଶକ୍ତିକୁ ଜାଗ୍ରତ କରି ଅଚିନ୍ତ୍ୟ ଶକ୍ତିସମ୍ପନ୍ନ ହେବେ । ମନ ପ୍ରସନ୍ନ ରହିବ। କର୍ମଫଳରୁ ବର୍ତ୍ତିବେ ନାହିଁ। ଈଶ୍ବରଙ୍କ ଭକ୍ତିରେ ଶକ୍ତିସମ୍ପନ୍ନ ହେବେ। ମାତୃସେବା ବ୍ରତ ଆଚରଣ କରିବେ। ସର୍ବତ୍ର ବିଜୟୀ ହେବେ।

କୁମ୍ଭ : ତ୍ୟାଗପୂତ ମନୋବୃତ୍ତିର ହୋଇପାରନ୍ତି। ଦମ୍ଭ, ଗର୍ବ, ଅଭିମାନ, କ୍ରୋଧ, କଠୋରତା ଓ ଜ୍ଞାନହୀନତା ଭଳି ଆସୁରୀ ସମ୍ପଦଠାରୁ ଦୂରେଇ ରହିଥିବାରୁ ଆପଣ ମହାନ୍‌ ହେବେ। ମଧୁରଭାଷୀ ହେବେ।

ମୀନ : ଐଶ୍ବର୍ଯ୍ୟ ପ୍ରାପ୍ତିର ସୂଚନା ମିଳୁଛି। ସପରିବାରେ ମିଷ୍ଟାନ୍ନ ଭୋଜନରେ ଆପ୍ୟାୟିତ ହେବେ। ମୋକଦ୍ଦମାରେ ବିଜୟୀ ହୋଇ ଧନଲାଭ କରିପାରନ୍ତି। ସତ୍ୟଂ ବଦ, ଧର୍ମଂ ଚର ନୀତିକୁ ଆପଣେଇ ନେଇପାରନ୍ତି।