ପାଟଣା : ସର୍ବ ଭାରତେ ଆଦିବାସୀ ହୋ’ ସମାଜ ପରିଷଦ ତରଫରୁ ଏକ ପ୍ରତିନିଧି ଦଳ ବୁଧବାର ମହାମହିମ ରାଷ୍ଟ୍ରପତିଙ୍କୁ ସାକ୍ଷାତ କରିଛନ୍ତି। ହୋ’ ଭାଷା କିଭଳି ଭାରତୀୟ ସମ୍ବିଧାନର ଅଷ୍ଟମ ଅନୁଛେଦରେ ସାମିଲ ହେବ ସେହି ବିଷୟରେ ମାର୍ଗଦର୍ଶନ ପାଇଁ ରାଷ୍ଟ୍ରପତି ମହୋଦୟାଙ୍କୁ ପ୍ରତିନିଧି ମାନେ ଅନୁରୋଧ କରିଥିଲେ। ଦିଲ୍ଲୀରେ ବସବାସ କରୁଥିବା ବିଭିନ୍ନ ସମ୍ପ୍ରଦାୟର ଆଦିବାସୀ ଯୁବ ପିଢୀ କିଭଳି ସମାଜର ମୁଖ୍ୟ ସ୍ରୋତରେ ଯୋଡ଼ି ହୋଇ ସମ୍ମାନର ସହିତ ନିଜ ଗୋଡରେ ଠିଆ ହେବେ ସେ ବିଷୟରେ ଚର୍ଚ୍ଚା କରାଯାଇଥିଲା। ରାଷ୍ଟ୍ରପତିଙ୍କର ମାର୍ଗ ଦର୍ଶନ ପାଇଁ ପ୍ରତିନିଧି ମାନେ ନିବେଦନ କରିଥିଲେ। ପ୍ରତିନିଧି ଦଳରେ ଓଡିଶାରୁ ଜାତୀୟ ମହିଳା ମୋର୍ଚ୍ଚା ସଦସ୍ୟା ଦାଶମତି ଚାତାର, ବିକ୍ରମ ମୁଣ୍ଡା, ନୀଲ କମଲ,ଏଲଭିନା, ମୀନା ଚାତାର୍ ଏବଂ ଝାଡଖଣ୍ଡରୁ ଗଙ୍ଗାରାମ ଗାଗରାଇ ଓ ମଦନ ସାମାଡ ପ୍ରମୁଖ ସାମିଲ ଥିଲେ।
Comments are closed.