ହିଞ୍ଜିଳିକାଟୁ/ବ୍ରହ୍ମପୁର: ଗଞ୍ଜାମ ଜିଲା ହିଞ୍ଜିଳି ଥାନା ଅନ୍ତର୍ଗତ ରାଳବ ଗ୍ରାମର ରାମାୟଣ ନାଚ ପରିବେଷଣ ସମୟରେ ମଞ୍ଚ ଉପରେ ଜୀବଜନ୍ତୁଙ୍କ ପ୍ରତି ନୃଶଂସତା ଦେଖାଇବା ଘଟଣାରେ କାର୍ଯ୍ୟାନୁଷ୍ଠାନ ହୋଇଛି। ଦୁଇଟି ପୃଥକ ମାମଲାରେ ୨ଜଣଙ୍କୁ ଗିରଫ କରାଯାଇଛି।
ମଞ୍ଚରେ ଜିଅନ୍ତା ଘୁଷୁରିକୁ ଝୁଣି ଖାଇବା ଘଟଣାରେ ପୁଲିସ ପୁରୁଷୋତ୍ତମପୁର ଅଞ୍ଚଳର କଳାକାର ବିମ୍ବାଧର ଗୌଡ଼ଙ୍କୁ ଗିରଫ କରିଥିବାବେଳେ ମଞ୍ଚ ଉପରେ ଜିଅନ୍ତା ସାପ ଖେଳାଇବା ଘଟଣାରେ ବନ ବିଭାଗ ଆୟୋଜକ ତଥା ଚିକିଲି ଗ୍ରାମର ନାରାୟଣ ସ୍ବାଇଁଙ୍କୁ ଗିରଫ କରିଛି। ଗତ ୨୬ ତାରିଖରେ ମଞ୍ଚ ଉପରେ ପରିବେଷଣ ହୋଇଥିବା ରାମାୟଣ ନାଟକରେ ରାକ୍ଷସ ଭୂମିକାରେ ଅଭିନୟ କରୁଥିବା ବିମ୍ବାଧର ଅଭିନୟ କଲା ବେଳେ ବର୍ବରତାର ସୀମା ପାର କରି ଜିଅନ୍ତା ଘୁଷୁରି ଖାଇଥିବା ଭିଡିଓ ଭାଇରାଲ ହୋଇଥିଲା।
ଏହି ଘଟଣାରେ ହିଞ୍ଜିଳି ଥାନା ପୁଲିସ ନିଜ ଆଡୁ ମାମଲା ରୁଜୁ କରି ଘଟଣାର ତଦନ୍ତ କରିବା ସହିତ ଅଭିଯୁକ୍ତଙ୍କୁ ଗିରଫ କରି ଅଦାଲତ ଚାଲାଣ କରିଥିବା ହିଞ୍ଜିଳି ଥାନା ଅଧିକାରୀ ସୂଚନା ଦେଇଛନ୍ତି।
Comments are closed.