ସିମଲା : ହିମାଚଳପ୍ରଦେଶରେ ଦୁଇ ଦିନ ମଧ୍ୟରେ ବର୍ଷା ଓ ମାଟି ଅତଡ଼ା ଖସିବା ଜନିତ ଦୁର୍ଘଟଣାରେ ଜଣେ ବିଜେପି ନେତାଙ୍କ ସମେତ ୧୧ ଜଣଙ୍କ ମୃତ୍ୟୁ ଘଟିଛି ଓ କେତେ ଜଣ ନିଖୋଜ ଅଛନ୍ତି। ସୋମବାର ବିଳାସପୁର ଜିଲା ଜଗତଖାନାରେ ଏକ ଘର ଭୁଶୁଡ଼ି ପଡ଼ିବାରୁ ବିଜେପି ମତ୍ସ୍ୟ ପ୍ରକୋଷ୍ଠ ସଂଯୋଜକଙ୍କ ସମେତ ଅନ୍ୟ ଜଣଙ୍କ ମୃତ୍ୟୁ ଘଟିଛି। ସେହିପରି ସୋଲେନ୍ ଜିଲା କଣ୍ଡାଘାଟ ଉପମଣ୍ଡଳର ଚାକଲା ଗ୍ରାମରେ ପାହାଡମୁଣ୍ଡି ତଳେ ରହୁଥିବା ଏକ ପରିବାର ଘର ଉପରେ ରବିବାର ରାତିରେ ମାଟି ଅତଡ଼ା ଖସି ପଡ଼ିଥିଲା। ମାଟି ଅତଡ଼ା ତଳେ ପୂରା ପରିବାର ଜୀବନ୍ତ ପୋତି ହୋଇଯାଇଥିଲେ। ଏହି ପରିବାରର ୪ ସଦସ୍ୟଙ୍କ ମୃତ୍ୟୁ ଘଟିଛି ଓ ଜଣେ ଅଳ୍ପକେ ମୃତ୍ୟୁ ମୁଖରୁ ବର୍ତ୍ତି ଯାଇଛନ୍ତି। ପରିବାର ଲୋକେ ରାତିରେ ଶୋଇଥିବାବେଳେ ଏହି ଅଘଟଣ ଘଟିଥିଲା। ସେହିପରି ହମିରପୁର ଭୋରଞ୍ଜ ଉପମଣ୍ଡଳରେ ଏକ ଘର କାନ୍ଥ ଭାଙ୍ଗି ଜେଜେମା ଓ ନାତିଙ୍କ ମୃତ୍ୟୁ ଘଟିଛି। ମୂଷଳ ଧାରାରେ ବର୍ଷାରୁ ବହୁ ଜିଲାରେ ପାହାଡ଼ କଡ଼ ସଡ଼କରେ ଯାତାୟତ ବିପଦ ଜନକ ହୋଇପଡ଼ିଛି। ଫଳରେ ପାହାଡ଼ କଡ଼ ରାସ୍ତା ଗୁଡ଼ିକରେ ଗାଡ଼ି ଚଳାଚଳକୁ ବନ୍ଦ କରି ଦିଆଯାଇଛି। ସେହିପରି ଅନ୍ୟାନ୍ୟ ସ୍ଥାନରେ ଦୁର୍ଘଟଣା ଘଟି ୩ ଜଣଙ୍କ ମୃତ୍ୟୁ ଘଟିଛି।
Popular Categories
Previous article
Next article