ନୂଆଦିଲ୍ଲୀ : ହିରୋ ମୋଟୋକର୍ପ ଭାରତରେ ହିରୋ ଏକ୍ସଟ୍ରିମ୍ ୧୬୦ଆର୍ ୪ଭିର ୨୦୨୪ ଏଡିଶନର ବଜାର ପ୍ରବେଶ କରିଛି। ଏହି ବାଇକ ଏବେ ୧,୩୮,୫୦୦ ଟଙ୍କା(ଏକ୍ସ-ଶୋରୁମ୍) ରେ ମିଳୁଛି ଯାହା ଗତ ପ୍ରିମିୟମ୍ ଭାରିଆଣ୍ଟରୁ ୨ ହଜାର ଟଙ୍କା ଅଧିକ । ଏହି ନୂଆ ମଡେଲରେ କିଛି କସ୍ମେଟିକ୍ ପରିବର୍ତ୍ତନ ସହିତ କିଛି ନୂଆ ଫିଚର ମଧ୍ୟ ଦିଆଯାଇଛି ।
ହିରୋ ଏକ୍ସଟ୍ରିମ୍ ୧୬୦ଆର ୪ଭିର ସମ୍ପୂର୍ଣ୍ଣ ବଡି ପୂର୍ବ ଭଳି ଅଛି କିନ୍ତୁ ଏବେ ଏହା ଏକ ନୂଆ ରଙ୍ଗ ବ୍ରାଉନରେ ଉପଲବ୍ଧ ହେବ । କମ୍ପାନୀ ଏଥିରେ ସୁରକ୍ଷା ଫିଚର ବଢାଇ ଦେଇଛି । ଏଥିରେ ଡୁଆଲ ଚ୍ୟାନେଲ ଏବିଏସ୍ ଏବଂ ଏକ ପାନିକ୍ ବ୍ରେକ୍ ଆଲର୍ଟ ସିଷ୍ଟମ ଯୋଡା ଯାଇଛି । ଏହା ସହିତ ଏଥିରେ ଏକ ନୂଆ ଡ୍ରାଗ ରେସ୍ ଟାଇମର ମଧ୍ୟ ଦିଆଯାଇଛି ଯାହା ରାଇଡରକୁ ନିଜ ଶୂନ୍ୟରୁ ୬୦ କିଲୋମିଟର ଘଣ୍ଟା ପ୍ରତିର ସ୍ପ୍ରିଣ୍ଟର ସମୟ ରେକର୍ଡ କରିପାରିବ ।
ବାଇକରେ ୧୬୩.୨ ସିସିର ସିଙ୍ଗଲ ସିଲିଣ୍ଡର, ଏୟାର/ଅଏଲ କୁଲ୍ଡ ଇଞ୍ଜିନ ଦିଆଯାଇଛି । ଏହା ୧୬.୬ ବିଏଚପିର ପାଓ୍ବର ଏବଂ ୧୪.୬ ଏନଏମର ପିକ୍ ଟର୍କ ଉତ୍ପନ କରିଥାଏ । ଇଞ୍ଜିନକୁ ୫ ସ୍ପିଡ୍ ଗିୟରବକ୍ସ ସହିତ ଯୋଡାଯାଇଛି । ଏଥିରେ ୧୭ ଇଞ୍ଚର ଟାୟାର ଦିଆଯାଇଛି । ଏଥିରେ ୟୁଏସଡି ଫୋର୍କ୍ସ ଏବଂ ପ୍ରିଲୋଡ୍ ଆଡଜଷ୍ଟେବଲ ମୋନୋଶକ୍ ସସପେନ୍ସନ ମିଳିଥାଏ । ଉଭୟ ଚକରେ ଡିସ୍କ ବ୍ରେକ୍ ଦେଇଛି କମ୍ପାନୀ ।
