ନୂଆଦିଲ୍ଲୀ : ହିରୋ ମୋଟୋକର୍ପ ଡର୍ଟ ବାଇକ୍ ପାଇଁ ଏକ ନୂଆ ଡିଜାଇନ୍ ପେଟେଣ୍ଟ କରାଇଛି । ତେବେ ଏହା ଇଲେକ୍ଟ୍ରିକ୍ ଡର୍ଟ ବାଇକ୍ ଭଳି ନଜର ଆସୁଛି । ପୂର୍ବରୁ ହିରୋ ପାଖରେ କାର୍ଲିଫୋର୍ଣ୍ଣିଆ ସ୍ଥିତ ଇଲେକ୍ଟ୍ରିକ୍ ଦୁଇଚକିଆ ନିର୍ମାତା ଜିରୋ ମୋଟରସାଇକେଲରେ ଇକ୍ବିଟି ରହିଛି । ଭାରତୀୟ ବଜାରରେ ହିରୋ ମୋଟୋକର୍ପ ଏହି ଇଲେକ୍ଟ୍ରିକ୍ ବାଇକକୁ ଆଣିବାକୁ ଯୋଜନା ରଖିଥିବା ଅନୁମାନ କରାଯାଉଛି ।
ଏହି ବାଇକରେ ବ୍ୟାଟେରୀ ଆଗପଟେ ରହିଥିବା ଅନୁମାନ କରାଯାଉଛି । ଏହା ଚେନ୍ ଡ୍ରାଇଭ୍ ବିଶିଷ୍ଟ ବାଇକ୍ ଏବଂ ମୋନୋଶକ୍ ସସପେନ୍ସନ ଏଥିରେ ଦୂର ଯାତ୍ରାକୁ ଆରାମଦାୟକ କରିବ । ଏଥିରେ ଫ୍ରଣ୍ଟ ଏବଂ ରିୟରରେ ଡିସ୍କବ୍ରେକ୍ ମିଳିବ । ଏହି ଡିଜାଇନରେ ପେଟେଣ୍ଟ ଏବେ ହୋଇଛି ଏବଂ ହିରୋ ଏନେଇ କୌଣସି ସୂଚନା ଦେଇନି । ତେବେ ଭାରତରେ ଇଲେକ୍ଟ୍ରିକ୍ ଡର୍ଟ ବାଇକ୍ ଲୋକପ୍ରିୟ ହେବା ପାଇଁ କିଛି ସମୟ ଲାଗିପାରେ । ହିରୋ ଆଗାମୀ ଦିନରେ କିଛି ନୂଆ ମଡେଲ୍ ମଧ୍ୟ ବଜାରକୁ ଆଣିପାରେ ।
