ନୂଆଦିଲ୍ଲୀ: ଦିନକୁ ଦିନ ଗ୍ରୀଷ୍ମ ପ୍ରବାହ ବୃଦ୍ଧି ପାଇବାରେ ଲାଗିଛି। ଗରମ ଆଉ ଗୁଳୁଗୁଳି ପୁରା ଜନଜୀବନକୁ ଅସ୍ତବ୍ୟସ୍ତ କରି ପକାଇଛି। ଖରାଦିନେ ବାଇକ୍ ଚଲାଇ ଦୂର ସ୍ଥାନକୁ ଯାତ୍ରା କରିବା ସତରେ ବହୁ କଷ୍ଟଦାୟକ ହୋଇଥାଏ। ଆଉ ତା ସାଙ୍ଗକୁ ହେଲମେଟ୍ ପିନ୍ଧି ଯାତ୍ରା କରିବା ସମସ୍ୟାକୁ ଆହୁରି ଦ୍ଵିଗୁଣିତ କରେ। ଆମେ ଆଜି ଆପଣ ମାନଙ୍କୁ ଏପରି ଏକ ଉପକରଣ ବିଷୟରେ କହିବାକୁ ଯାଉଛୁ । ଯାହା ଆପଣଙ୍କ ହେଲମେଟକୁ ଏକ ନୂଆ ଉପକରଣରେ ପରିଣତ କରିବ। ଆସନ୍ତୁ ଜାଣିବା ଏ ସମ୍ପର୍କରେ ସବିଶେଷ ତଥ୍ୟ। ବ୍ଲୁଆମୋର ନାମକ ଏକ କମ୍ପାନୀ ହେଲମେଟ ପାଇଁ କୁଲର ତିଆରି କରେ। ଏହା ଏପରି ଏକ ଅନନ୍ୟ ଊତ୍ପାଦ , ଯାହା ସାଧାରଣତଃ ବଜାରରେ ଉପଲବ୍ଧ ହୋଇନଥାଏ। କମ୍ପାନୀ ବର୍ତ୍ତମାନ ୩ ପ୍ରକାର କୁଲର ବ୍ଲୁ ସ୍ନାପ୍-୨, ବ୍ଲୁ୩ ଏ-୧୦ , ଏବଂ ବ୍ଲୁ ଇ-୨୦ ଅଫର କରୁଛି। ବ୍ରାଣ୍ଡ ଦାବି କରିଛି ଯେ ସମସ୍ତ ୩ଟି ଉତ୍ପାଦ ହେଲମେଟର ତାପମାତ୍ରାକୁ ୧୫ ଡିଗ୍ରୀ ସେଲସିୟସ୍ ପର୍ଯ୍ୟନ୍ତ ହ୍ରାସ କରିପାରିବ। ବ୍ଲୁ ସ୍ନାପ୍-୨ ହେଲମେଟର ଓଜନ ୨୫୦ ଗ୍ରାମ୍ ରହିଥିବାବେଳେ ଏହାର ଦାମ୍ ୧୨୯୯ ଟଙ୍କା ରହିଛି। ବ୍ଲୁ୩ ଏ-୧୦ ର ମୂଲ୍ୟ ୨୨୯୯ ଟଙ୍କା ଥିବାବେଳେ ଏହା ହେଲମେଟର ତାପମାତ୍ରାକୁ ୧୫ ଡିଗ୍ରୀ ସେଲସିୟସ୍ ପର୍ଯ୍ୟନ୍ତ ହ୍ରାସ କରିପାରେ। ଏଥିରେ ଆପଣ ଟୁ ଏକ୍ସ ଏୟାର ଫ୍ଲୋ ସହ ୩ଟି ଫ୍ଲାନ୍ ସ୍ପିଡ୍ କଣ୍ଟ୍ରାଲ ପାଇପାରିବେ । ସେହିପରି ବ୍ଲୁ ଇ-୨୦ରେ ଆପଣ ଟୁ ଏକ୍ସ ଏୟାର ଫ୍ଲୋ , ଥ୍ରୀ ସ୍ପିଡ୍ ଫ୍ୟାନ୍ କଣ୍ଟୋଲ ସହ କନେକ୍ଯିଭିଟି ଫିଚର ପାଇପାରିବେ । ଏହା ସାହାଯ୍ୟରେ ଆପଣ ମ୍ୟୁଜିକ , କଲ ନେଭିଗେସନ୍ ଏବଂ ହ୍ବାଟସ୍ ଆପ୍ କନେକ୍ଟ କରିପାରିବେ।
Comments are closed.