ନୂଆଦିଲ୍ଲୀ: ବାୟୁସେନାର ଏକ କାର୍ଗୋ ହେଲିକାପ୍ଟର କେଦାର ନାଥ ମନ୍ଦିର ନିକଟରେ ଦୁର୍ଘଟଣାଗ୍ରସ୍ତ ହୋଇଛି । କେଦାନନାଥ ମନ୍ଦିର ନିକଟରେ ଥିବା ହେଲିପ୍ୟାଡରେ ଏହି ଏମ୍ଆଇ-୧୭ ହେଲିକାପ୍ଟରଟି ଦୁର୍ଘଟଣାଗ୍ରସ୍ତ ହୋଇଛି । ହେଲିପ୍ୟାଡ ନିକଟରେ ଥିବା ଏକ ଲୁହା ବାଡ ସହ ଏହା ଧକ୍କା ହେବାରୁ ଦୁର୍ଘଟଣା ଘଟିଥିବା ପ୍ରାଥମିକ ତଦନ୍ତରୁ ଜଣା ପଡ଼ିଛି ।
ମନ୍ଦିର ନିକଟରେ ଏହି ହେଲିକାପ୍ଟରଟି ଅବତରଣ କରୁଥିବା ବେଳେ ଲୁହା ବାଡ ସହ ମାଡ ହୋଇଥିଲା । ଫଳରେ ହେଲିକାପ୍ଟର ଓଲଟି ପଡିଥିଲା । ଏଥିରେ ଥିବା ୬ ଜଣ ଆହତ ହୋଇଛନ୍ତି । ପୁଲିସ ଓ ସେନା ପକ୍ଷରୁ ତୁରନ୍ତ ଘେରା କରାଯାଇ ଆହତମାନଙ୍କୁ ଉଦ୍ଧାର କରାଯାଇଥିଲା । ଗତ ବର୍ଷ ଅରୁଣାଚଳ ପ୍ରଦେଶରେ ଏକ ଏମ୍ଆଇ-୧୭ ହେଲିକାପ୍ଟର ଦୁର୍ଘଟଣା ଗ୍ରସ୍ତ ହେବାରୁ ୭ ଜଣଙ୍କର ମୃତ୍ୟୁ ହୋଇଥିଲା ।.
