ଭୁବନେଶ୍ବର : ରାଜ୍ୟରେ ଗ୍ରୀଷ୍ମପ୍ରକୋପ ଧୀରେ ଧୀରେ ବଢ଼ୁଛି। ସୋମବାର ରାଜ୍ୟର ୫ ଟି ସ୍ଥାନରେ ସର୍ବୋଚ୍ଚ ତାପମାତ୍ରା ୩୮ ଡିଗ୍ରୀ ଛୁଇଁଛି। ଏହାଛଡ଼ା ରାଜ୍ୟର ଅଧିକାଂଶ ସ୍ଥାନର ତାପମାତ୍ରା ୩୫ ଡିଗ୍ରୀ ଉପରେ ରହିଛି। ଆସନ୍ତା ୩ ଦିନ ମଧ୍ୟରେ ତାପମାତ୍ରା ୨ରୁ୩ ଡିଗ୍ରୀ ବଢ଼ିବାର ସମ୍ଭାବନା ଥିବା ଭୁବନେଶ୍ବର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି। ଏହି ସମୟରେ ରାତି ତାପମାତ୍ରା ଅପରିବର୍ତ୍ତିତ ରହିବ। ଏହାପରେ ୨-୩ ଡିଗ୍ରୀ ପର୍ଯ୍ୟନ୍ତ ହ୍ରାସ ପାଇବ। ଝାରସୁଗୁଡ଼ା ଓ ପାରଳାଖେମୁଣ୍ଡିରେ ରାଜ୍ୟର ସର୍ବାଧିକ ତାପମାତ୍ରା ସବୁଠୁ ଅଧିକ ୩୮.୬ ଡିଗ୍ରୀ ଲେଖାଏଁ ରେକର୍ଡ଼ କରାଯାଇଛି। ବଲାଙ୍ଗୀରରେ ୩୮.୪, ଟିଟିଲାଗଡ଼ ଏବଂ ବୌଦ୍ଧରେ ୩୮ ଡିଗ୍ରୀ ଲେଖାଏଁ, ସମ୍ବଲପୁରରେ ୩୭.୮, ସୁନ୍ଦରଗଡ଼ରେ ୩୭.୩, ଅନୁଗୋଳ ଏବଂ ହୀରାକୁଦରେ ୩୭.୧ ଲେଖାଏଁ, ଭବାନୀପାଟଣାରେ ୩୭, ଭୁବନେଶ୍ବରରେ ୩୫.୨ ଏବଂ କଟକରେ ୩୩.୫ ଡିଗ୍ରୀ ରେକର୍ଡ଼ ହୋଇଛି। ଆଜି ପୁରୀ, ଭଦ୍ରକ, ଯାଜପୁର, ମୟୂରଭଞ୍ଜ, କେନ୍ଦୁଝରଗଡ଼, ସମ୍ବଲପୁର, ବଲାଙ୍ଗୀର ଓ ବୌଦ୍ଧ ଜିଲାରେ ସର୍ବାଧିକ ତାପମାତ୍ରା ୨ରୁ୩ ଡିଗ୍ରୀ ବଢ଼ିବା ସମ୍ଭାବନା ଥିବା ପାଣିପାଗ କେନ୍ଦ୍ର ପୂର୍ବାନୁମାନ କରିଛି। ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ଖୁବଶୀଘ୍ର ଶିକ୍ଷାନୁଷ୍ଠାନ ପାଇଁ ନିର୍ଦେଶନାମା ପ୍ରକାଶ ପାଇବ ବୋଲି ରାଜସ୍ବ ମନ୍ତ୍ରୀ ସୁରେଶ ପୂଜାରୀ କହିଛନ୍ତି।
ଜଳୁଛି ପଶ୍ଚିମ ଓ ଦକ୍ଷିଣାଞ୍ଚଳ: ୩ ଦିନ ମଧ୍ୟରେ ଆହୁରି ବଢିବ ତାପମାତ୍ରା, ଖୁବଶୀଘ୍ର ଶିକ୍ଷାନୁଷ୍ଠାନ ପାଇଁ ପ୍ରକାଶ ପାଇବ ନିର୍ଦେଶନାମା
Popular Categories
Previous article
Next article