ଭୁବନେଶ୍ବର : ୨୦୨୪ରେ ତାତି ରେକର୍ଡ ଭାଙ୍ଗିଥିଲା। ଅନୁରୂପ ଭାବେ ୨୦୨୫ରେ ବି ଅସମ୍ଭାଳ ଗ୍ରୀଷ୍ମ ଅନୁଭୂତ ହେବାର ଆଶଙ୍କା ରହିଛି। ଫେବୃଆରୀ ପ୍ରଥମ ସପ୍ତାହ ତାତିକୁ ଦେଖିଲେ ୨୦୨୪କୁ ୨୦୨୫ବର୍ଷ ବଳିଯିବ ବୋଲି ଚର୍ଚ୍ଚା ଆରମ୍ଭ ହେଲାଣି। ବୁଧବାର ବଲାଙ୍ଗିର ଏବଂ ମାଲକାନଗିରିରେ ଦିନ ତାପମାତ୍ରା ୩୬ଡିଗ୍ରୀ ଛୁଇଁଥିବା ବେଳେ ହୀରାକୁଦ, ସମ୍ବଲପୁର ଏବଂ ଭବାନୀପାଟଣାରେ ୩୫.୫ଡିଗ୍ରୀ, ସୁବର୍ଣ୍ଣପୁର ୩୫.୨, ଅନୁଗୋଳ, ୩୫.୧ ଏବଂ ପାରଳାଖେମୁଣ୍ଡି ୩୫ଡିଗ୍ରୀ ରହିଛି। ଭୁବନେଶ୍ବର ୩୩.୮ ଏବଂ କଟକରେ ୩୧.୮ ଡିଗ୍ରୀ ରହିଛି। ମାଘ ମାସରେ ଶୀତଳ ବଦଳରେ ଅସ୍ବାଭାବିକ ତାତି ଅନୁଭୂତ ହେଉଛି। ବର୍ତ୍ତମାନ କିଛି ସ୍ଥାନରେ ସ୍ବାଭାବିକରୁ ୫ ରୁ ୬ ଡିଗ୍ରୀ ପର୍ଯ୍ୟନ୍ତ ଅଧିକ ତାପମାତ୍ରା ରେକର୍ଡ ହୋଇଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି। ଆସନ୍ତା ଦୁଇ ପର୍ଯ୍ୟନ୍ତ ଘନ କୁହୁଡି ନେଇ କିଛି ଜିଲ୍ଲାକୁ ସତର୍କତା ଜାରି କରିଛି ପାଣିପାଗ ବିଭାଗ।
Popular Categories
Previous article
Next article