ଡେସ୍କ: ମହାରାଷ୍ଟ୍ରର ଥାନେ ଜିଲ୍ଲାର ଭିୱାଣ୍ଡିସ୍ଥିତ ଏକ ମାଜିଷ୍ଟ୍ରେଟ୍ କୋର୍ଟ ରାହୁଲ ଗାନ୍ଧିଙ୍କ ବିରୋଧରେ ହୋଇଥିବା ମାନହାନି ମାମଲାର ଶୁଣାଣିକୁ ମେ’ ୨ ତାରିଖ ପର୍ଯ୍ୟନ୍ତ ସ୍ଥଗିତ ରଖିଛନ୍ତି। ଗାନ୍ଧୀଙ୍କ ଓକିଲ ନାରାୟଣ ଆୟର କହିଛନ୍ତି ଯେ ଏହି ପ୍ରସଙ୍ଗରେ ବମ୍ବେ ହାଇକୋର୍ଟରେ ୱାୟନାଡ ସାଂସଦଙ୍କ ଦ୍ୱାରା ଦାଖଲ କରାଯାଇଥିବା ଏକ ରିଟ୍ ପିଟିସନ ଏବେ ବି ବିଚାରାଧୀନ ଥିବା ଆଧାରରେ ମୁଲତବୀ ପାଇଁ ଆବେଦନ ଦାଖଲ କରାଯାଇଛି।
୨୦୧୪ ମାର୍ଚ୍ଚ ୬ରେ ଭିୱାଣ୍ଡି ନିକଟରେ ଏକ ନିର୍ବାଚନୀ ରାଲିରେ ଆରଏସଏସ ଲୋକମାନେ ମହାତ୍ମା ଗାନ୍ଧୀଙ୍କୁ ହତ୍ୟା କରିଛନ୍ତି ବୋଲି କଂଗ୍ରେସ ନେତା ଦେଇଥିବା ବୟାନକୁ ନେଇ ସ୍ଥାନୀୟ ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ସଦସ୍ୟ ରାଜେଶ କୁଣ୍ଟେ ଏହି ଅପରାଧିକ ମାନହାନି ମାମଲା ଦାୟର କରିଛନ୍ତି। କୁଣ୍ଟେଙ୍କ ପକ୍ଷରୁ ଆଇନଜୀବୀ ପ୍ରବୋଧ ପି ଜୟବନ୍ତ ଗାନ୍ଧୀଙ୍କ ଆବେଦନକୁ ବିରୋଧ କରିଥିଲେ। ଅତୀତରେ ମୁଲତବୀ ଆବେଦନ କରିଥିବା ଅଭିଯୋଗକାରୀଙ୍କ ଉପରେ ଅଦାଲତ ଜରିମାନା ଲଗାଇଥିଲେ ଏବଂ ଅଭିଯୁକ୍ତ କଂଗ୍ରେସ ସାଂସଦଙ୍କ କ୍ଷେତ୍ରରେ ମଧ୍ୟ ସମାନ ନିୟମ ଲାଗୁ ହେବା ଉଚିତ ବୋଲି ସେ କହିଛନ୍ତି।
ଉଭୟ ପକ୍ଷକୁ ଶୁଣିବା ପରେ ଜୁଡିସିଆଲ ମାଜିଷ୍ଟ୍ରେଟ (ପ୍ରଥମ ଶ୍ରେଣୀ) ଏଲ୍ ସି ୱାଡ଼ିକର ଶୁଣାଣିକୁ ମେ ୨ ତାରିଖ ପର୍ଯ୍ୟନ୍ତ ସ୍ଥଗିତ ରଖିଛନ୍ତି। ତେବେ ରାହୁଲ ଗାନ୍ଧୀ ଶନିବାର ତାଙ୍କ ଭାରତ ଯୋଡୋ ନ୍ୟାୟ ଯାତ୍ରା ସମୟରେ ଥାନେ ସହରରେ ଲୋକଙ୍କୁ ସମ୍ବୋଧିତ କରିଥିଲେ।
Comments are closed.