ଅହମ୍ମଦାବାଦ: ଦୀର୍ଘ ୧୪ ବର୍ଷ ଧରି ହରିୟାଣା ପାଇଁ ଘରୋଇ କ୍ରିକେଟ୍ ଖେଳିବା ପରେ ପେସ୍ ବୋଲର ହର୍ଷଲ ପଟେଲ ତାଙ୍କ ରାଜ୍ୟ ଗୁଜରାଟକୁ ଫେରିଛନ୍ତି। ୨୦୨୫-୨୬ ଋତୁରେ ଗୁଜରାଟ ପାଇଁ ୩୪ ବର୍ଷ ବୟସ୍କ ହର୍ଷଲ ଖେଳିବେ। ଏଥିପାଇଁ ସେ ଗୁଜରାଟ କ୍ରିକେଟ୍ ଆସୋସିଏସନ୍ ସହ ଚୁକ୍ତି ସ୍ବାକ୍ଷର କରିଛନ୍ତି। ବରୋଦା, ସୌରାଷ୍ଟ୍ର ଓ ଗୁଜରାଟକୁ ନେଇ ହେବାକୁ ଥିବା ଟୁର୍ଣ୍ଣାମେଣ୍ଟରେ ହର୍ଷଲ ଗୁଜରାଟ ପାଇଁ ଖେଳିବା ଆରମ୍ଭ କରିବେ। ହର୍ଷଲ ଗୁଜରାଟର ମୂଳ ବାସିନ୍ଦା। ତାଙ୍କ ପରିବାର ଏବେ ଗୁଜରାଟରେ ରହୁଛନ୍ତି। ପରିବାର ସହ ସମୟ ବିତାଇବା ପାଇଁ ହର୍ଷଲ ଗୁଜରାଟ ପାଇଁ ଖେଳିବାକୁ ନିଷ୍ପତ୍ତି ନେଇଛନ୍ତି। ୧୯ ବର୍ଷରୁ କମ୍ କ୍ରିକେଟ୍ରେ ଭଲ ପ୍ରଦର୍ଶନ କରିବା ପରେ ୨୦୦୮-୦୯ ଋତୁେର ଗୁଜରାଟ ପାଇଁ ଲିଷ୍ଟ-ଏ ପଦାର୍ପଣ କରିଥିଲେ। ତେବେ ୨୦୧୦ରେ ଭାରତ ପାଇଁ ୧୯ ବର୍ଷରୁ କମ୍ କ୍ରିକେଟ୍ ଖେଳିବା ପରେ ହର୍ଷଲ ହରିୟାଣା ଚାଲି ଯାଇଥିଲେ। ୨୦୧୧-୧୨ରେ ସେ ହରିୟାଣା ପାଇଁ ରଣଜୀ ଟ୍ରଫି ଖେଳିବା ଆରମ୍ଭ କରିଥିଲେ। ଏହା ପରଠାରୁ ହର୍ଷଲ ସମସ୍ତ ଫର୍ମାଟରେ ହରିୟାଣା ଦଳର ପ୍ରମୁଖ ସଦସ୍ୟ ପାଲଟି ଯାଇଥିଲେ। ୭୪ଟି ପ୍ରଥମଶ୍ରେଣୀ ମ୍ୟାଚ୍ରୁ ହର୍ଷଲ ୨୪୬ ୱିକେଟ୍ ନେଇଛନ୍ତି। ୧୨ଟି ଇନିଂସରେ ସେ ୫ଟି ଲେଖାଏଁ ୱିକେଟ୍ ନେଇଛନ୍ତି। ୨୦୨୩-୨୪ରେ ହରିୟାଣା ବିଜୟ ହଜାରେ ଟ୍ରଫି ଜିତିଥିବା ବେଳେ ହର୍ଷଲ ଦଳର ପ୍ରମୁଖ ସଦସ୍ୟ ଥିଲେ। ସେ ଭାରତ ପାଇଁ ୨୫ଟି ଟ୍ବେଣ୍ଟି୨୦ ମ୍ୟାଚ୍ ଖେଳି ୨୭ଟି ୱିକେଟ୍ ନେଇଛନ୍ତି। ଚଳିତବର୍ଷ ହରିୟାଣା ଛାଡ଼ିବାରେ ହର୍ଷଲ ୨ୟ ଅନ୍ତର୍ଜାତୀୟ କ୍ରିକେଟର। କିଛିଦିନ ତେଳ ଅଲ୍ରାଉଣ୍ଡର ଜୟନ୍ତ ଯାଦବ ପୁଡୁଚେରି ଚାଲି ଯାଇଥିଲେ।
Popular Categories
Previous article
Next article